୨୭ଶହ କୋଟି ଟଙ୍କାର ହେରୋଇନ ଜବତ

ଅମୃତସର : ଏକ ଅତି ବଡ଼ ଧରଣର ଡ୍ରଗ୍ସ କାରବାରର ପର୍ଦ୍ଦାଫାସ କରିଛି କଷ୍ଟମ୍ସ ବିଭାଗ। ବିଭାଗ ପକ୍ଷରୁ ଆଜି ୫୩୨ କେଜି ଓଜନର ହେରୋଇନ୍‌ ଜବତ କରାଯାଇଛି। ଆନ୍ତର୍ଜାତିକ ବଜାରରେ ଏହାର ମୂଲ୍ୟ ୨୭ଶହ କୋଟି ଟଙ୍କା ହେବ।

ଏଭଳି ବଡ଼ ପରିମାଣର ହେରୋଇନ ପାକିସ୍ତାନରୁ ଭାରତକୁ ଆସିଥିଲା। ଅଟ୍ଟାରୀ ବର୍ଡର ଦେଇ ଏଗୁଡ଼ିକ ଚୋରାଚାଲାଣ ହେଉଥିବା ବେଳେ ବିଭାଗ ଏହାକୁ ଜବତ କରିଛି। ଏହି ଘଟଣାରେ ଦୁଇ ଦେଶ ମଧ୍ୟରେ ଡ୍ରଗ୍ସ କାରବାର କରୁଥିବା ମାଷ୍ଟରମାଇଣ୍ଡକୁ କଶ୍ମୀରରୁ ଗିରଫ କରାଯାଇଛି।

ଆଜି ଯାଏ କଷ୍ଟମ୍ସ ବିଭାଗ କେବେ ହେଲେ ଏକାବେଳକେ ଏତେ ପରିମାଣର ଡ୍ରଗ୍ସ ଜବତ କରି ନଥିଲା। ବିଭାଗ ପକ୍ଷରୁ କୁହାଯାଇଛି, ପାକିସ୍ତାନରୁ ଏଗୁଡ଼ିକ ଭାରତରେ କାରବାର କରିବା ପାଇଁ ଆସିଥିଲା।