ଭାରତ ଚୀନ ସୀମାରେ ମୁତୟନ ହେବେ ପ୍ରଥମ ହିମବୀର ମହିଳା ଅଧିକାରୀ ପ୍ରକୃତି

ପ୍ରକୃତି ରାୟ ଭାରତ ତିବ୍ଦତ ସୀମା ସୁରକ୍ଷା ପୋଲିସର ପ୍ରଥମ ମହିଳା ଆସିଷ୍ଟାଣ୍ଟ କମାଣ୍ଡେଣ୍ଟ କାମ୍ବୈଟ୍ ଡ୍ୟୁଟିରେ ମୁତୟନ ହେବାକୁ ଯାଉଛନ୍ତି । ଭାରତ ଚୀନ ସୀମାରେ ମହିଳା ଯବାନମାନଙ୍କୁ ମୁତୟନ କରାଯାଉଥିଲା, ମାତ୍ର କୌଣସି ଅଧିକାରୀମାନଙ୍କୁ ନିଯୁକ୍ତି ଦିଆଯାଉନଥିଲା । ଏବେ ପ୍ରକୃତି ରାୟ ପ୍ରଥମ ମହିଳା ଅଧିକାରୀ ହେବେ ଯିଏ କି ଭାରତ ଚୀନ ସୀମାରେ ନିଯୁକ୍ତି ପାଇବେ ।
ସୂଚନା ଅନୁସାରେ ପ୍ରକୃତି ଭାରତ ଚୀନ ସମୀାର ସଟେ ନାଥୁ ଲା ଦର୍ରେ ଅଞ୍ଚଳରେ ମୁତୟନ ହେବେ । ଏହି ଅଞ୍ଚଳରେ ବର୍ଷ ତମାମ ପାରଦ ଶୁନ ଡିଗ୍ରୀରୁ ତଳକୁ ରହିଥାଏ । ମୁତୟନ କରାଯିବା ପୂର୍ବରୁ ପ୍ରକୃତିଙ୍କୁ ମସୁରୀ ଠାରରେ କାମ୍ବୈଟ୍ର ବିଶେଷ ପ୍ରଶିକ୍ଷଣ ଦିଆଯିବ । ପ୍ରକୃତିଙ୍କ ବୟସ ଏବେ ମାତ୍ର ୨୫ । ପ୍ରଶିକ୍ଷଣ ସରିଲା ପରେ ପ୍ରକୃତିଙ୍କୁ ସୀମାରେ ମୁତୟନ କରାଯିବ ।
କହିରଖୁଛୁ ପ୍ରକୃତି ରାୟଙ୍କ ଚୟନ ଭାରତ ତିବ୍ଦତ ସୀମା ପୋଲିସରେ ପ୍ରଥମ ଲଢ଼ୁଆ ଅଧିକାରୀଙ୍କ ରୂପରେ ହୋଇଛି । ପ୍ରକୃତି ପ୍ରଥମ ପ୍ରୟାସରେ ହି ସଫଳତା ଲାଭ କରିଥିଲେ । ଗୃହ ମନ୍ତ୍ରଣାଳୟ ପ୍ରଥମଥର ଆଇଟିବିପିରେ ମହିଳାଙ୍କୁ କାମ୍ବୈଟ୍ ଅଫିସର ଭାବେ ନିଯୁକ୍ତି ଦେବାର ନିର୍ଣ୍ଣୟ ନେଇଥିଲା । ଏହାପରେ ପ୍ରକୃତି ୟୁପିଏସ୍ସିର ପ୍ରଥମ ପରୀକ୍ଷା ପାସ୍ କରିଥିଲେ । ଚୀନର ସୀମା ଯେଉଁଠାରେ ଯବାନମାନଙ୍କ ରହିବା ଦୁର୍ବିସହ ହୋଇପଡେ ସେହିଠାରେ ନିଜ ନିଯୁକ୍ତି ପାଇଁ ପ୍ରକୃତି ରାୟ ଆଇଟିବିପିକୁ ଚୟନ କରିଥିଲେ ।