ପାକିସ୍ତାନର ନୂଆ ଯୋଜନା: ଭାରତରେ ଜୈଶ୍‌ ଓ ତାଲିବାନ୍‌ ଆତଙ୍କବାଦୀଙ୍କ ମିଳିତ ଆକ୍ରମଣ

ନୂଆଦିଲ୍ଲୀ: ଭାରତରେ ଆତଙ୍କ ସୃଷ୍ଟି କରିବାକୁ ଇସ୍‌ଲାମାବାଦ୍‌ କରିଥିବା ନୂତନ ଯୋଜନା ସମ୍ବନ୍ଧରେ ଭାରତୀୟ ଗୁଇନ୍ଦା ଏଜେନ୍‌ସି ସୂଚନା ପାଇଛି। ପାକସ୍ତାନର ଦୁଷ୍ଟ ଗୁପ୍ତଚର ଏଜେନ୍‌ସି ଆଇଏସ୍‌ଆଇ ଘୃଣ୍ୟ ଭାରତବିରୋଧୀ ଯୋଜନା ଚଳାଇବା ନିମନ୍ତେ ନୂଆ ଉପାୟ କରୁଛି। ସେଥିପାଇଁ ସେ ଦୁଇ ମାରାତ୍ମକ ଆତଙ୍କବାଦୀ ସଂଗଠନ ଜୈଶ୍‌-ଏ-ମହମ୍ମଦ ଏବଂ ତାଲିବାନକୁ ଏକତ୍ର କରାଇବାକୁ ଉଦ୍ୟମ କରୁଛି।

ଭାରତୀୟ ବାୟୁସେନା ପାକିସ୍ତାନର ବାଲାକୋଟ୍‌ ଠାରେ ବିମାନ ଆକ୍ରମଣ କରିବା ପୂର୍ବରୁ ଜୈଶ୍‌ର ବଡ଼ କମାଣ୍ଡର୍‌ମାନେ, ତାଲିବାନ ଏବଂ ହକାନି ନେଟ୍‌ଓ୍ଵାର୍କ ପାକିସ୍ତାନରେ ଗୁପ୍ତ ବୈଠକ ବସାଇଥିଲେ।