ନିର୍ଭୟା ଦୋଷୀଙ୍କୁ ଫାଶୀ ଦେବା ପାଇଁ ଘାତକ ମଗାଇଲେ ତିହାର ଜେଲ୍ କତ୍ତୃପକ୍ଷ

ନୂଆଦିଲ୍ଲୀ : ନିର୍ଭୟା ମାମଲାରେ ଫାଶୀ ପାଇବେ ୪ ଦୋଷୀ। ୨୨ ଜାନୁଆରୀ ସକାଳ ୭ରେ ହେବାକୁ ଥିବା ଏହି ଫାଶୀ ପ୍ରକ୍ରିୟା ପାଇଁ ନାହାନ୍ତି ଆବଶ୍ୟକ ଧାତକ। ତେଣୁ ଉତ୍ତର ପ୍ରଦେଶରୁ ୨ ଘାତକ ମଗାଇଛନ୍ତି ତିହାର ଜଲେ କତ୍ତୃପକ୍ଷ। ନିର୍ଭୟା ମାମଲାର ଦୋଷୀଙ୍କୁ ଫାଶୀ ଦେବା ପାଇଁ ୨ ଘାତକ ଜରୁରୀକାଳୀନ ଭାବରେ ଆବଶ୍ୟକ ରହିଛି ବୋଲି ଚିଠି ଜରିଆରେ ତିହାର ଜେଲ କତ୍ତୃପକ୍ଷ ଉତ୍ତର ପ୍ରଦେଶର ନିଜ ସମସ୍କନ୍ଧ ଅଫିସରଙ୍କୁ ଚିଠି ଲେଖି ଅନୁରୋଧ କରିଛନ୍ତି।

ଏହି ୨ ଘାତକ ଖୁବଶୀଘ୍ର ଦିଲ୍ଲୀ ପହଞ୍ଚିବେ ବୋଲି ଜଣାପଡ଼ିଛି। ତେବେ ଏହି ୨ ଘାତକ କିଏ ସେ ନେଇ ମଧ୍ୟ ଆରମ୍ଭ ହୋଇଛି ଚର୍ଚ୍ଚା। ଜଣେ ମରେଠ ଜେଲର ଘାତକ ପବନ ବୋଲି ଆକଳନ କରାଯାଉଥିବା ବେଳେ ଅନ୍ୟ ଜଣେ ଘାତକ ପାଇଁ ଖୋଜା ଚାଲିଛି ବୋଲି ବୋଲି ସୂଚନା ରହିଛି।