ଆନ୍ଧ୍ରପ୍ରଦେଶ ଏବଂ ପଶ୍ଚିମବଙ୍ଗ ପରେ ଛତିଶଗଡ଼କୁ ମନା ହେଲା ସିବିଆଇ

ନୂଆଦିଲ୍ଲୀ, ଜାନୁଆରୀ ୧୧ : ଆନ୍ଧ୍ରପ୍ରଦେଶ ଏବଂ ପଶ୍ଚିମବଙ୍ଗ ପରେ ଛତିଶଗଡ଼ର କଂଗ୍ରେସ ସରକାର ଗୁରୁବାର ଦିନ ରାଜ୍ୟରେ ମାମଲାଗୁଡ଼ିକର ତଦନ୍ତ କରିବାକୁ ସେଣ୍ଟ୍ରାଲ୍‌ ବ୍ୟୁରୋ ଅଫ୍‌ ଇଭେଷ୍ଟିଗେସନ୍‌ (ସିବିଆଇ) ସହ ହୋଇଥିବା ସାଧାରଣ ରାଜିନାମାକୁ ପ୍ରତ୍ୟାହାର କରିଛନ୍ତି।

ଏହି ତିନି ରାଜ୍ୟ ବିରୋଧୀ ଦଳଙ୍କ ଶାସନାଧୀନ ଏବଂ ଅଭିଯୋଗ କରୁଛନ୍ତି କି, କେନ୍ଦ୍ରର ଭାରତୀୟ ଜନତା ପାର୍ଟି ନିର୍ଦେଶରେ ସିବିଆଇ କାର୍ଯ୍ୟ କରୁଛି।

ଗୁରୁବାର ଦିନ ସିବିଆଇକୁ ନିଷିଦ୍ଧ କରାଯିବା ପ୍ରସଙ୍ଗରେ ମୁଖ୍ୟମନ୍ତ୍ରୀ ଭୂପେଶ ବାଘେଲ୍‌ କେନ୍ଦ୍ର ଗୃହମନ୍ତ୍ରାଳୟକୁ ଲେଖିଛନ୍ତି।

ଏହି ଆଦେଶ ଦ୍ୱାରା ରାଜ୍ୟରେ ସିବିଆଇର ଚଳପ୍ରଚଳକୁ ବନ୍ଦ କରାଯାଇ ନାହିଁ, କିନ୍ତୁ ଛତିଶଗଡ଼ରେ କୌଣସି ଅଭିଯାନ କିଂବା ଚଢ଼ାଉ କରିବା ପୂର୍ବରୁ ରାଜ୍ୟ ସରକାରଙ୍କ ଅନୁମତି ନେବାକୁ ପଡ଼ିବ।