256 Views
ଶ୍ରୀନଗର: ବୁଧବାର ସକାଳେ କୁଲ୍ଗାମ୍ ଜିଲ୍ଲାରେ ଆତଙ୍କବାଦୀ ଏବଂ ନିରାପତ୍ତା ବଳଙ୍କ ମଧ୍ୟରେ ହୋଇଥିବା ବନ୍ଧୁକ ଲଢ଼େଇ ଯୋଗୁଁ ଜଣେ ଆତଙ୍କବାଦୀ ନିହତ ହୋଇଛି। କୁଲ୍ଗାମ୍ ଜିଲ୍ଲାର ତାଜିପୋରା ଗାଁରେ ଆତଙ୍କବାଦୀ ଅଛନ୍ତି ବୋଲି ମଙ୍ଗଳବାର ସନ୍ଧ୍ୟାରେ ନିର୍ଦ୍ଦିଷ୍ଟ ସୂଚନା ପାଇବା ପରେ ରାଷ୍ଟ୍ରୀୟ ରାଇଫଲ୍ , ରାଜ୍ୟ ପୁଲିସର ସ୍ପେସାଲ୍ ଅପରେସନ୍ସ୍ ଗ୍ରୁପ୍ ଓ ସେଣ୍ଟ୍ରାଲ୍ ରିଜର୍ଭ ପୋଲିସ ଫୋର୍ସ ସମେତ ନିରାପତ୍ତା ବଳ କର୍ଡନ୍ ଆଣ୍ଡ୍ ସର୍ଚ ଅପରେସନ୍ ଆରମ୍ଭ କରିଥିଲା।
ଛପିଥିବା ଆତଙ୍କବାଦୀ ଏବଂ ନିରାପତ୍ତା ବଳଙ୍କ ମଧ୍ୟରେ ଗୁଳିବିନିମୟ ତୁମୁଳ ହୋଇଥିଲା।ପ୍ରତିଷେଧ ବ୍ୟବସ୍ଥା ଭାବେ ସରକାରୀ କର୍ତ୍ତୃପଡ଼ କୁଲ୍ଗାମ୍ ଜିଲ୍ଲାରେ ଇଣ୍ଟର୍ନେଟ୍ ସେବା ବ୍ୟାହତ କରିଛନ୍ତି।ଗତକାଲି ଜମ୍ମୁରେ ମଧ୍ୟ ଦୁଇ ଜଣ ସନ୍ଦିଗ୍ଧଙ୍କୁ ଗୁପ୍ତଚର କାମ କରୁଥିବା ସନ୍ଦେହରେ ଗିରଫ କରାଯାଇଥିଲା।
Prasanta Patnaik