ନୂଆଦିଲ୍ଲୀ: ଗୁଗୁଲ ମ୍ୟାପ ଜରିଆରେ ଲୋକମାନଙ୍କୁ ଠକେଇର ଶିକାର ହେବାକୁ ପଡ଼ିଥିବା ଅନେକ ଖବର ସାମ୍ନାକୁ ଆସିଛି। ଏହି କ୍ରମରେ ଦିଲ୍ଲୀ ସୀମାପୁରିରେ ବସବାସ କରୁଥିବା ଜଣେ ମହିଳା ଗୁଗୁଲ ସର୍ଚ୍ଚ ଜରିଆରେ ୧ଲକ୍ଷ ଟଙ୍କା ହରାଇଥିବା ଜଣାପଡ଼ିଛି।

ଘଟଣାଟି ହେଉଛି ଏପରି , ମହିଳା ଜଣଙ୍କ ଇ-ୱାଲେଟରେ ସମସ୍ୟା ହେବାରୁ ହେଲ୍‌ପ ଲାଇନ ନମ୍ବରର ସହଯୋଗ ଲୋଡିଥିଲେ । ଏହାପରେ ଗୋଟିଏ ନମ୍ବର ପାଇ କଲ କରିଥିଲେ । ଏହାପରେ ସମ୍ପୃକ୍ତ ମହିଳା ଉକ୍ତ ବ୍ୟକ୍ତିଙ୍କୁ କଷ୍ଟମର କେୟାର ଭାବି ଡେବିଟ୍‌ କାର୍ଡ ସହିତ ଜଡ଼ିତ ସମସ୍ତ ତଥ୍ୟ ସେୟାର କରି ଦେଇଥିଲେ। ଏହାର କିଛି ସମୟ ପରେ ମହିଳାଙ୍କ ଆକାଉଣ୍ଟରୁ ୧ ଲକ୍ଷ ଟଙ୍କା ଗାଏବ ହୋଇଯାଇଥିବା ସେ ଜାଣିବାକୁ ପାଇଥିଲେ। ଏହି ମାମଲା ଏବେ ସାଇବର ସେଲ ଥାନାରେ ପହଞ୍ଚିଛି। ପୁଲିସ ଘଟଣାର ତଦନ୍ତ କରୁଛି। ଠକେଇର ଶିକାର ହୋଇଥିବା ମହିଳା ଜଣଙ୍କ ସୀମାପୁରୀର ଏକ ଘରୋଇ କମ୍ପାନୀର କର୍ମଚାରୀ ବୋଲି ଜଣାପଡ଼ିଛି।