ଗଣ ବିବାହରେ ନବଦମ୍ପତିଙ୍କୁ ଆଶୀର୍ବାଦ କଲେ ରାଜ୍ୟପାଳ

ବାଲେଶ୍ୱର, ନଭେମ୍ବର ୩୦: ବାଲେଶ୍ୱର ଜିଲ୍ଲା ରେମୁଣା ବାଳଗୋପାଳପୁର ଜଗନ୍ନାଥ ମନ୍ଦିରରେ ଗଣ ବିବାହ ଅନୁଷ୍ଠିତ ହୋଇଛି।  ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ମନ୍ଦିର ପ୍ରତିଷ୍ଠା ଦିବସରେ ୫୨ ଯୋଡ଼ି ବରକନ୍ୟା ବିବାହ କରିଛନ୍ତି।

ହୋମ ନିଆଁକୁ ସାକ୍ଷୀ ରଖି ୭ ଜନ୍ମ ପାଇଁ ଏକାଠି ହେବାର ଶପଥ ନେଇଛନ୍ତି ଏହି ନବଦମ୍ପତି।

ରୀତିନୀତି ଅନୁସାରେ ବାହାଘର ଅନୁଷ୍ଠିତ ହୋଇଥିଲା। ସମସ୍ତ ନବ ଦମ୍ପତିଙ୍କୁ ନୂଆ ପୋଷାକ, କିଛି ଗହଣା ଓ ଘରକରଣା ଜିନିଷ ସହ ଆର୍ଥିକ ସହାୟତା ମଧ୍ୟ ପ୍ରଦାନ କରାଯାଇଥିଲା।

କେବଳ ଏହି ବର୍ଷ ନୁହେଁ, ଗତ ୪ ବର୍ଷ ହେଲା ମନ୍ଦିରର ପ୍ରତିଷ୍ଠା ଦିବସରେ ଗଣ ବିବାହ ଆୟୋଜନ ହୋଇଥାଏ।