ଗଞ୍ଜାମ ଜିଲ୍ଲା ପ୍ରଶାସନ ଜାରି କଲା ମୋବାଇଲ ନମ୍ବର, ଏହା ଜରିଆରେ ଲୋକେ କରିପାରିବେ ଅଭିଯୋଗ, ୭ ଦିନ ଭିତରେ ସମସ୍ୟାର ସମାଧାନ କରାଯିବ

ମୁଖ୍ୟମନ୍ତ୍ରୀଙ୍କ ଟି ‘୫-T’ କାର୍ଯ୍ୟକ୍ରମର ସଫଳ ରୂପାୟନ କରିବା ଲାଗି ଏଭଳି ପଦକ୍ଷେପ ନିଆଯାଇଥିବାର ସୂଚନା ମିଳିଛି। ଏହି ମୋବାଇଲ୍‌ ନମ୍ବର ମାଧ୍ୟମରେ ଯେ କେହି ନାଗରିକ ନିଜର ବା ନିଜ ଅଞ୍ଚଳର ସମସ୍ୟା ବା ଅଭିଯୋଗ ସଂପର୍କରେ ସୂଚନା ଦେଇପାରିବେ। ଅଭିଯୋଗ  ବା ସମସ୍ୟା ସଂପର୍କରେ ହ୍ଵାଟସଅପ୍‌ରେ ମଧ୍ୟ ପ୍ରେରଣ କରିପାରିବେ। ଅଭିଯୋଗ ବା ସମସ୍ୟା ସଂପର୍କରେ ଜାଣିବା ପରେ ଜିଲ୍ଲାପାଳଙ୍କ କାର୍ଯ୍ୟାଳୟ ପକ୍ଷରୁ ଉକ୍ତ ବ୍ୟକ୍ତିଙ୍କ ସହ ଯୋଗାଯୋଗ କରାଯାଇ ୭ ଦିନ ମଧ୍ୟରେ ସମସ୍ୟାର ସମାଧାନ କରାଯିବ ବୋଲି ଗଂଜାମ ଜିଲ୍ଲାପାଳ କହିଛନ୍ତି।