ଏସ୍‌ସିବିରେ ହେବ ପୂର୍ବ ଭାରତର ଉତ୍କର୍ଷ ଯକ୍ଷ୍ମା ନିରୂପଣ ଓ ଗବେଷଣା କେନ୍ଦ୍ର : ସାତ ମହଲା କୋଠା ପାଇଁ ୯କୋଟି ଟଙ୍କା

କଟକ, ଡିସେମ୍ବର ୦୮  : ପୂର୍ବ ଭାରତର ଉତ୍କ‌ର୍ଷ ଯକ୍ଷ୍ମା ରୋଗ ନିରୂପଣ ଓ ଗବେଷଣା କେନ୍ଦ୍ର ହେବ କଟକ ବଡ଼ ମେଡିକାଲ୍‌ରେ। ବଦଳିଯିବ ଛାତି ଓ ଯକ୍ଷ୍ମାରୋଗ ବିଭାଗର ଚିତ୍ର। ଏଥିପାଇଁ ତିଆରି ହେବ ୭ମହଲା କେ‌ାଠା। ଉନ୍ନତମାନର ଚିକିତ୍ସା ସାଂଗକୁ ଗବେଷଣା ସୁବିଧା ଏବଂ ଶଯ୍ୟା ଓ ଆଇସିୟୁ ସଂଖ୍ୟା ବୃଦ୍ଧି କରାଯିବ। ଗବେଷଣା ସୁବିଧା ରହିବ। ୩ଟି ନୂତନ ପାଠ୍ୟକ୍ରମ ବି ଖୋଲିବ। ଆଜି ଏନେଇ ପ୍ରାଥମିକ ଭାବେ ସ୍ବାସ୍ଥ୍ୟ ମନ୍ତ୍ରୀ ପ୍ରତାପ ଜେନା ଏସ୍‌ସିବି ଛାତି ଓ ଯକ୍ଷ୍ମାରୋଗ ବିଭାଗର ଭିତ୍ତିଭୂମି ଯାଞ୍ଚ କରିଛନ୍ତି। ୱାର୍ଡ ପରିଦର୍ଶନ ସହ ବିଭାଗୀୟ ପ୍ରଫେସରଙ୍କ ସହ ଭିତ୍ତିଭୂମି ସୁଦୃଢ଼କରଣ ସଂପର୍କରେ ବିସ୍ତୃତ ଆଲୋଚନା କରିଛନ୍ତି।