ଇଭିଏମ୍‌ରେ ଦଳୀୟ ଚିହ୍ନ ତଳୁ ବିଜେପିର ନାମ ହଟାଇବାକୁ ନିର୍ବାଚନ କମିସନ ନିକଟରେ ଅଭିଯୋଗ ଆଣିଲେ ବିରୋଧୀ ଦଳ

କୋଲକାତା: ପଶ୍ଚିମବଙ୍ଗର ବାରାକପୋରେ ନିର୍ବାଚନ ମଣ୍ଡଳୀରେ ମକ୍‌ ପୋଲ୍‌ ଚାଲିଥିବା ବେଳେ ଇଭିଏମ୍‌ ମେସିନ୍‌ରେ କେବଳ ବିଜେପିର ଦଳୀୟ ନିର୍ବାଚନୀ ଚିହ୍ନ ତଳେ ହିଁ ଦଳର ନାମ ଲେଖା ଯାଇଥିଲା ବୋଲି ନିର୍ବାଚନ କମିସନଙ୍କ ଆଗରେ ଅଭିଯୋଗ ଆଣିଛନ୍ତି ବିରୋଧୀ ଦଳ।

ଏ ନେଇ କଂଗ୍ରେସର ବରିଷ୍ଠ ନେତା ଅଭିଷେକ ମନୁ ସିଂଘଭି, ଅହମ୍ମଦ ପଟେଲ୍‌, ତ୍ରୁଣମୂଳ କଂଗ୍ରେସର ଦିନେଶ ତ୍ରିବେଦୀ, ଦେରେକ ଓ ବ୍ରିଏନ୍‌ ନିର୍ବାଚନ କମିସନର ସୁନୀଲ ଅରୋରାଙ୍କୁ ଭେଟି ଏହି ଅଭିଯୋଗ ଆଣିଛନ୍ତି। ଏପରି ସମସ୍ତ ଇଭଏମ୍‌କୁ ମତଦାନ କେନ୍ଦ୍ରରୁ ହଟାଇ ଦେବା ପାଇଁ ସେମାନେ ନିର୍ବାଚନ କମିସନରଙ୍କୁ ନିବେଦନ କରିଛନ୍ତି।