୨ ଆଇଟି ଇଂଜିନୟର୍ ଗିରଫ

ଚନ୍ଦ୍ରଶେଖରପୁର, ଡିସେମ୍ବର ୨୯: ଚନ୍ଦ୍ରଶେଖରପୁର ଅଞ୍ଚଳରେ ଥିବା ଏକ ଆଇଟି କମ୍ପାନିର ଦୁଇ ଇଂଜିନିୟରଙ୍କୁ ଆଜି ଚନ୍ଦ୍ରଶେଖରପୁର ଥାନା ପୁଲିସ ଗିରଫ କରି କୋର୍ଟ ଚାଲାଣ କରିଛି। ସେମାନେ ହେଲେ ଚନ୍ଦ୍ରଶେଖର ମହାନ୍ତି ଓ ବିଭୁ ବେହେରା। କମ୍ପାନି ପରିଚାଳନା ନିର୍ଦେଶକ ଉଭୟଙ୍କ ବିରୋଧରେ ଥାନାରେ ଅଭିଯୋଗ କରିଥିଲେ।

ଅଭିଯୋଗ ଅନୁଯାୟୀ ଚନ୍ଦ୍ରଶେଖର ଓ ବିଭୁ ଗତ କିଛି ବର୍ଷ ହେବ କମ୍ପାନିର ବିଭିନ୍ନ ଡିଜାଇନ୍ ଓ ସଫ୍ଟୱେର୍‌କୁ ଚୋରିକରି ବାହାରେ ଗ୍ରାହକମାନଙ୍କୁ ବିକ୍ରି କରୁଥିଲେ। ଏ ସଂପର୍କରେ କମ୍ପାନି କର୍ତୃପକ୍ଷ ଜାଣିବା ପରେ ଖୋଳତାଡ଼ କରାଯାଇଥିଲା। ଅଭିଯୁକ୍ତ ଦ୍ବୟ କମ୍ପାନିର ସମସ୍ତ ଫର୍ମୁଲା ଚୋରିକରି ବାହାରେ ଲକ୍ଷାଧିକ ଟଙ୍କାରେ ବିକ୍ରି କରୁଥିବା ଜଣାପଡ଼ିଥିଲା। ଅଭିଯୋଗକୁ ଭିତ୍ତି କରି ପୁଲିସ ଉଭୟଙ୍କୁ ଗିରଫ କରି ଅଧିକ ତଦନ୍ତ କରୁଛି।