ସାପ କାମୁଡ଼ିବାରୁ ସାପକୁ କାମୁଡ଼ି ୩ଖଣ୍ଡ କରିଦେଲେ ଯୁବକ, ପଲିଥିନରେ ଭର୍ତ୍ତି କରି ଡାକ୍ତରଖାନାରେ ପହଞ୍ଚିଲେ

ଏଟା : ପୂର୍ବରୁ ସାପ ମଣିଷକୁ କାମୁଡ଼ିବା ଓ ପରେ ମଣିଷ ପୁଣି ସାପକୁ କାମୁଡ଼ିବା ଖବର ଅନେକ ଆସିଛି । କିନ୍ତୁ ଉତ୍ତରପ୍ରଦେଶରେ ଘଟିଥିବା ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ମଦ ପିଇ ଜଣେ ଯୁବକ ଘର ବାହାରକୁ ଯାଉଥିବା ବେଳେ ଏକ ବିଷାକ୍ତ ସାପ ତାଙ୍କୁ କାମୁଡ଼ି ଦେଇଥିଲା । ସାପ କାମୁଡ଼ିବାରୁ ରାଗରେ ଯୁବକଜଣଙ୍କ ସାପକୁ ଧରି କାମୁଡ଼ିବା ସହ ୩ଖଣ୍ଡ କରି ଦେଇଥିଲେ । ଏହା ପରେ ସାପର ଖଣ୍ଡ ବିଖଣ୍ଡିତ ଶରୀରକୁ ପଲିଥିନରେ ଭର୍ତ୍ତି କରି ଯୁବକଜଣଙ୍କ ଡାକ୍ତରଖାନାରେ ପହଞ୍ଚିଥିଲେ । ଏଭଳି ଅଜବ ଘଟଣା ଉତ୍ତରପ୍ରଦେଶର ଏଟାରେ ଘଟିଥିବା ଜଣା ପଡ଼ିଛି ।