ଦିଲ୍ଲୀର ଅତିରିକ୍ତ ଚିଫ୍‌ ମେଟ୍ରୋ ପଲିଟାନ୍‌ ମାଜିଷ୍ଟ୍ରେଟ୍‌ ସମର ଭିଶାଲଙ୍କ ଅଦାଲତରେ ଏହି ମାମଲାରେ ଶୁଣାଣି ହୋଇଥିଲା। ଆକବରଙ୍କ ପକ୍ଷରୁ ଆଇନଜୀବୀ ଗୀତା ଲୁଥ୍ରା ଅଦାଲତଙ୍କୁ ଅବଗତ କରିଥିଲେ କି ୨୦ ବର୍ଷ ତଳର ଏକ ଅଭିଯୋଗକୁ ବଖାଣି ସାମ୍ବାଦିକା ରମାନି ତାଙ୍କ ମହକିଲଙ୍କ ଖ୍ୟାତିକୁ କ୍ଷୁର୍ଣ୍ଣ କରିଛନ୍ତି। ଦୀର୍ଘ ୪୦ ବର୍ଷ ଧରି ନିଜର କାର୍ଯ୍ୟ ଧାରା ମାଧ୍ୟମରେ ଏମ୍‌.ଜେ.ଆକବର ଗଢ଼ିଥିବା ତାଙ୍କର ଭାବମୂର୍ତ୍ତି କ୍ଷୂର୍ଣ୍ଣ ହୋଇଛି। ରମାନୀଙ୍କ ଟୁଇଟ୍‌ ଫଳରେ ଏମ୍‌.ଜେ ଆକବରଙ୍କ ସମ୍ମାନରେ ଆଞ୍ଚ ଆସିଛି ଓ ଅପୂରଣୀୟ କ୍ଷତି ଘଟିଛି।

୨୦ ଜଣ ମହିଳା ସାମ୍ବାଦିକା ଏମ୍‌.ଜେ.ଆକବରଙ୍କ ବିରୋଧରେ ଯୌନ ଅସଦାଚାରଣ ଏବଂ ନିର୍ଯାତନା ଅଭିଯୋଗ ଆଣିବା ପରେ ଗତକାଲି ଆକବର ମନ୍ତ୍ରୀ ପଦରୁ ଇସ୍ତଫା ଦେଇଥିଲେ।