ବ୍ରହ୍ମପୁର , ନଭେମ୍ବର ୦୯: ଏଣିକି ଆଉ ଅଳିଆ ଆବର୍ଜନା ଖୋଲାରେ ପଡ଼ି ଦୁର୍ଗନ୍ଧ ହେବନି। କାହିଁକି ନା ଖୁବ୍ଶୀଘ୍ର ଆରମ୍ଭ ଦେଖିବାକୁ ମିଳିବ ସେନ୍ସର୍ ସିଷ୍ଟମ୍ ଲାଗିଥିବା ଅଣ୍ଡର୍ ଗ୍ରାଉଣ୍ଡ୍ ଡଷ୍ଟବିନ୍। ଏହି ସ୍ମାର୍ଟ ସିଷ୍ଟମ୍ ବ୍ରହ୍ମପୁର ମହାନଗର ନିଗମ (ବିଏମ୍ସି) ପକ୍ଷରୁ ଆରମ୍ଭ ହେବାକୁ ଯାଉଛି। ଫଳରେ ସହରର ଆବର୍ଜନା ମାଟି ତଳେ ହୋଇଥିବା ଡଷ୍ଟବିନ୍ରେ ପଡ଼ିବ। ପ୍ରାୟ ୫ କୋଟି ବ୍ୟୟରେ ଆରମ୍ଭ ହେଉଥିବା ଏହି ପ୍ରକଳ୍ପକୁ ଆସନ୍ତା ୧୦ ତାରିଖରେ ମୁଖ୍ୟମନ୍ତ୍ରୀ ଉଦ୍ଘାଟନ କରିବେ।
ଏଥିପାଇଁ ବ୍ରହ୍ମପୁର ସହରର ବିନାୟକ ଆଚାର୍ଯ୍ୟ କଲେଜ, ଗେଷ୍ଟ ହାଉସ୍, ଦୁର୍ଗାଦେବୀ ମନ୍ଦିର,ସର୍କିଟ ହାଉସ ଆଦି ୧୭ଟି ସ୍ଥାନରେ ଏହି ସ୍ମାର୍ଟ ଅଣ୍ଡର୍ ଗ୍ରାଉଣ୍ଡ୍ ଡଷ୍ଟବିନ୍ କରାଯାଇଛି। ଏହାଦ୍ୱାରା ଲୋକମାନେ ମଶା ମାଛି ଦାଉରୁ ରକ୍ଷା ପାଇବା ସହ ଦୁର୍ଗନ୍ଧରୁ ମୁକ୍ତି ପାଇବେ। ତେବେ ଏହାର କାର୍ଯ୍ୟକାରିତାକୁ ନେଇ ପ୍ରଶ୍ନ ଉଠାଇଛନ୍ତି ବ୍ରହ୍ମପୁରବାସୀ। କାହିଁକି ନା ପୂର୍ବରୁ ବହୁ ଯୋଜନା ଆରମ୍ଭ ହୋଇଥିଲେ ମଧ୍ୟ ସଠିକ୍ ଭାବେ ଏହା କାର୍ଯ୍ୟକାରୀ ନ ହୋଇ ପଡ଼ି ରହିଛି।
Prasanta Patnaik