‘ବଣ୍ଟି ଅର ବବଲି’ ଫିଲ୍ମର ସିକ୍ୱେଲ୍ ରେ ଏହି ହିରୋଙ୍କ ସହ ନଜର ଆସିପାରନ୍ତି ମିସ୍ ୱାଲ୍ଡ ମାନୁଷି ଚିଲ୍ଲର

୨୦୦୫ ସମିହାରେ ରାଣୀ ମୁଖାର୍ଜୀ ଏବଂ ଅଭିଷେକ ବଚନ ଅଭିନିତ ଫିଲ୍ମ ‘ବଣ୍ଟି ଅର ବବଲି’ ର ସିକ୍ୱେଲ ନିର୍ମାଣ କରିବାର ପ୍ରସ୍ତୁତି ଚାଲିଛି । ଏହି ଫିଲ୍ମ ପାଇଁ ଅନେକ ସେଲିବ୍ରେଟିମାନଙ୍କ ନାମ ସାମ୍ନାକୁ ଆସୁଛି ଯେଉଁମାନେ ‘ବଣ୍ଟି ଅର ବବଲି’ର ସିକ୍ୱଲ ରେ ନଜର ଆସିବେ । ଆସୁଥିବା ସିକ୍ୱେଲରେ ଦୁଇ ଜଣ ବଣ୍ଟି ଏବଂ ଦୁଇ ଜଣ ବବଲି ଦର୍ଶକମାନଙ୍କୁ ଆହୁରି ମନୋରଞ୍ଜନ କରିବାକୁ ଯାଉଛନ୍ତି ।

୨୦୧୭ରେ ମିସ୍ ୱାଲ୍ଡ ମୁକୁଟ ଜିତି ଥିବା ମାନୁଷି ଚିଲ୍ଲରଙ୍କ ବଲିଉଡ଼ରେ ଡ଼େବ୍ୟୁ କରିବା କଥା ବେଶ୍ ଚର୍ଚ୍ଚାରେ ରହିଛି । ଏକ ମିଡ଼ିଆ ରିପୋର୍ଟ ଅନୁସାରେ ଏହି ପିଲ୍ମରେ ବବଲିଙ୍କ ଭୂମିକାରେ ମାନୁଷିଙ୍କୁ ନେବା ପାଇଁ ବିଚାର କରାଯାଉଛି । ମାନୁଷି ଏହା ପୂର୍ବରୁ ଏକ ଆଡ଼୍ ରେ   ମଧ୍ୟ କାମ କରିସାରିଛନ୍ତି । ବର୍ତ୍ତମାନ ସୁଦ୍ଧା ବବଲି ଭୂମିକାରେ କୌଣସି ଅଭିନେତ୍ରୀଙ୍କ ନାମ ନିଦ୍ଧାରଣ କରାଯାଇ ନାହିଁ ।

ଫିଲ୍ମରେ ବଣ୍ଟି ଭୂମିକା ତୁଲାଉଥିବା ଅଭିଷେକ ବଚ୍ଚନଙ୍କ ଜାଗାରେ ଏଥର ସିଦ୍ଧାର୍ଥ ଚର୍ତୁବେଦି ନଜରକୁ ଆସିବେ । ସିଦ୍ଧାର୍ଥ ଫିଲ୍ମ ‘ଗଲି ବୟ’ ରେ ରଣବୀରଙ୍କ ବନ୍ଧୁ ଭୂମିକାରେ ନଜର ଆସିଥିଲେ । ଯାହାଙ୍କୁ ଦର୍ଶକମାନେ ବେଶ୍ ପସନ୍ଦ କରିଥିଲେ । ସିଦ୍ଧାର୍ଥ ବଣ୍ଟିଙ୍କ ଭୂମିକାରେ ଅଭିନୟ କରିବା ପାଇଁ ସାଇନ୍ କରିସାରିଛନ୍ତି । କେବଳ ଦେଖିବାକୁ ବାକି ଅଛି ସିଦ୍ଧାର୍ଥ ଏହି ଫିଲ୍ମରେ କିପରି ଠକ ହୋଇପାରୁଛନ୍ତି ।

ଏହି ସିକ୍ୱେଲଟି ପ୍ରଥମ ଠାରୁ ବେଶ୍ ଅଧିକ ଦମଦାର ହେବାକୁ ଯାଉଛି କାହାିଁକିନା ଏହି ଫିଲ୍ମରେ ଦୁଇ ଜଣ ବଣ୍ଟି ଏବଂ ଦୁଇ ଜଣ ବବଲିଙ୍କୁ ଦେଖିବାକୁ ମିଳିବ । ପ୍ରଥମ ଯୋଡ଼ି ପୁରୁଣା ବଣ୍ଟି – ବବଲି ମାନେ ରାଣୀ ମୁ୍ାର୍ଜୀ ଏବଂ ଅଭିଷେକ ବଚ୍ଚନ ନଜର ଆସିବା ସହ ଦ୍ୱୀତୀୟ ରେ ନୂଆ କଳାକାର ନଜର ଆସିବେ । ପୋଲିସ୍ ଭୂମିକାରେ ନଜର ଆସିଥିବା ଅମିତାଭ ବଚ୍ଚନ କିନ୍ତୁ ଏହି ସିକ୍ୱେଲରେ ନଜର ଆସିବେ ନାହିଁ ।