ଇସ୍ରୋର ପୂର୍ବତନ ଅଧ୍ୟକ୍ଷ ଏଏସ୍ କିରଣ କୁମାର କହିଛନ୍ତି, ଜୁଲାଇ ୨୨ ତାରିଖ ଦିନ ଉତ୍କ୍ଷେପଣ କରାଯିବାକୁ ଚନ୍ଦ୍ରାୟନ-୨ ପ୍ରସ୍ତୁତ ହୋଇ ରହିଛି। ଅଗଷ୍ଟ ୧୪ ତାରିଖ ଦିନ ଆମେ ଚନ୍ଦ୍ର ଆଡ଼କୁ ଗତି କରି ସେପ୍ଟେମ୍ବର ୬ ତାରିଖ ଦିନ ଚନ୍ଦ୍ରପୃଷ୍ଠରେ ଅବତରଣ କରିବାକୁ ଚାହୁଁଛୁ। ସବୁ କାମ ଜୋର୍ସୋର୍ରେ ଚାଲିଛି ଏବଂ ୨୨ ତାରିଖରେ ଉତ୍କ୍ଷେପଣ ପାଇଁ ଆମେ ପ୍ରସ୍ତୁତି କରୁଛୁ। ସ୍ୱଦେଶୀ ଜ୍ଞାନ କୌଶଳରେ ନିର୍ମିତ ଚନ୍ଦ୍ରାୟନ-୨ ଚନ୍ଦ୍ରର ଅପରିଚିତ ଅଞ୍ଚଳ ଆବିଷ୍କାର କରିବ। ଏହି ମହାକାଶ ଯାନରେ ରହିଛି ଗୋଟାଏ ଅର୍ବିଟର୍, ଗୋଟିଏ ଲ୍ୟାଣ୍ଡର୍ ଏବଂ ଗୋଟିଏ ରୋଭର୍। ଏହାର ସମୁଦାୟ ଓଜନ ୩. ୮ ଟନ୍। ଏ ବର୍ଷ ସେପ୍ଟେମ୍ବର ୬ କିମ୍ବା ୭ ତାରିଖ ଦିନ ଏହା ଚନ୍ଦ୍ରର ଦକ୍ଷିଣ ମେରୁ ଅଞ୍ଚଳରେ ଅବତରଣ କରିବ ବୋଲି ଆଶା କରାଯାଉଛି।
Prasanta Patnaik