ଭୁବନେଶ୍ବର, ସେପ୍ଟେମ୍ବର ୧୩ : ଜଗତସିଂଗପୁର ଅଞ୍ଚଳର ବିଶିଷ୍ଠ ସମାଜସେବୀ ବିଜୁ ଜନତା ଦଳର ନେତା ସୁରେଶଚନ୍ଦ୍ର ପଟ୍ଟନାୟକଙ୍କର ଆଜି ପୂର୍ବାନ୍ନରେ ରାଜଧାନୀ ଠାରେ ପରଲୋକ ହୋଇଯାଇଛି । ମୃତ୍ୟୃ ବେଳକୁ ତାଙ୍କୁ ୬୫ବର୍ଷ ହୋଇଥିଲା । ସ୍ୱର୍ଗତ ପଟ୍ଟନାୟକ ଜଣେ ଅତ୍ୟନ୍ତ ବନ୍ଧୁବତ୍ସଳ ଓ ଧର୍ମ ପରାୟାଣ ବ୍ୟକ୍ତ ଥିଲେ । ତାଙ୍କରି ଉଦ୍ୟମରେ ନିଜ ଗ୍ରାମ ‘ଟିଟି’ଗାଁ ଠାରେ ଶିରିଡ଼ି ଶାଇ ବାବାଙ୍କର ଏକ ବିରାଟ ମନ୍ଦିର ପ୍ରତିଷ୍ଠା କରାଯାଇଛି ।
ସୁରେଶ ଚନ୍ଦ୍ର ‘ଟିଟି’ଗାଁ ଅଞ୍ଚଳର ବରିଷ୍ଟ ସମାଜସେବୀ ସ୍ୱର୍ଗତ ନିଳକଣ୍ଠ ପଟ୍ଟନାୟକ ଓ ଚନ୍ଦ୍ରମଣୀ ଦେବୀଙ୍କର ତୃତୀୟ ତଥା କନିଷ୍ଠ ପୁତ୍ର ଥିଲେ । ସେ ଏହି ଅଞ୍ଚଳର ଉନ୍ନତି ପାଇଁ ସର୍ବଦା ତତ୍ପର ଥିଲେ । ସୁରେଶଚନ୍ଦ୍ର ଓଡ଼ିଶାର ବରେନ୍ୟ ନେତା ବିଜୁ ପଟ୍ଟନାୟକଙ୍କର ନତ୍ୟନ୍ତ ଘନିଷ୍ଟ ଥିଲେ । ତାଙ୍କ ବିୟୋଗରେ ଏହି ଅଞ୍ଚଳରେ ଏବଂ ରାଜ୍ୟର ବିଭିନ୍ନ ସ୍ଥାନରେ ଥିବା ତାଙ୍କ ବନ୍ଧୁମାନଙ୍କ ମଧ୍ୟରେ ଶୋକର ଛାୟା ଖେଳିଯାଇଛି । ସେ ବିଜୁ ବାବୁଙ୍କର ଅତ୍ୟନ୍ତ ଘନିଷ୍ଟ ହୋଇଥିଲେ ମଧ୍ୟ ରାଜ୍ୟର ଅଧିକାଂଶ ରାଜନୈତିକ ଦଳର ନେତାମାନଙ୍କର ଅତ୍ୟନ୍ତ ଘନିଷ୍ଟ ଥିଲେ ।
Prasanta Patnaik