ଦରଭଙ୍ଗା : ତଳେ ପାଣିରେ ଉଛୁଳୁଥିବା ନଦୀ, ଆଉ ଉପରେ କିଛି ଯୁବକଙ୍କ ଫଟୋ ଉଠା ଦୃଶ୍ୟ ଏବେ ଦେଖିବାକୁ ମିଳିଛି | ବିହାରର ଦରଭଙ୍ଗାରେ ଏଭଳି ବିପଦଜନକ ଦୃଶ୍ୟ ଦେଖିବାକୁ ମିଳିଛି | ନଦୀ ଉପରେ ଥିବା ରେଳ ବ୍ରିଜ ଉପରୁ ଯୁବକମାନେ ନଦୀକୁ ଡେଇଁବା ସହ ସେଲ୍ଫି ଉଠାଇଥିବାର ଦେଖିବାକୁ ମିଳିଛି | ତେବେ ଏହାର କାରଣ ବି କହିଛନ୍ତି ଯୁବକ | ଯାହାକି ଆପଣଙ୍କୁ ଆଶ୍ଚର୍ଯ୍ୟ କରିପାରେ| ଯୁବକମାନେ କହିଛନ୍ତି ଯେ ଏଭଳି ବନ୍ୟା ସେମାନେ କେବେ ଦେଖିନଥିଲେ |
ସେଥିପାଇଁ ବନ୍ୟାକୁ ନେଇ ସେଲ୍ଫି ଉଠାଇ ଓ ଭିଡିଓ ପ୍ରସ୍ତୁତ କରି ଏହାକୁ ୟୁଟ୍ୟୁବ ଓ ଟିକଟକରେ ଅପଲୋଡ଼ କରିବାକୁ ଯୋଜନା ରଖିଛନ୍ତି | ଏଠାରେ ସୂଚନା ଥାଉ କି କିଛି ଦିନ ତଳେ ଦରଭଙ୍ଗାରେ ବନ୍ୟା ପାଣିରେ ଜଣେ ଯୁବକ ଟିକଟକ ଭିଡିଓ ପ୍ରସ୍ତୁତ କରୁଥିବାବେଳେ ପାଣିରେ ବୁଡି ତାଙ୍କର ମୃତ୍ୟୁ ହୋଇଥିଲା |
ଏହା ପରେ ବି ଯୁବକଙ୍କ ଟିକଟକ ନିଶା କମିବାର ନାମ ନେଉନାହିଁ | ବନ୍ୟା ପାଇଁ ଏ ଯାଏଁ ଦରଭଙ୍ଗା ଜିଲ୍ଲାରେ ୧୪ ଜଣଙ୍କର ଜୀବନ ଗଲାଣି | ରେଳ ଧାରଣାରେ ପାଣି ଜମି ରହିଥିବାରୁ ରେଳ ଚଳାଚଳକୁ ବନ୍ଦ ରଖାଯାଇଛି | ତେବେ କିଛି ଯୁବକ ରେଳ ବ୍ରିଜ ଉପରେ ଅସାବଧାନତାର ସହ ବସି ଏଭଳି ସେଲ୍ଫି ନେଉଛନ୍ତି |