ରାଜଧାନୀରେ ପୁଣି ହତ୍ୟା , ଅଖା ଭିତରେ ରହିଛି ମୃତଦେହ

ଭୁବନେଶ୍ୱର, ନଭେମ୍ବର,୫: ଆଜି ସକାଳେ ରାଜଧାନୀ ଭୁବନେଶ୍ୱର ମଞ୍ଚେଶ୍ୱର ଥାନା ଅନ୍ତର୍ଗତ ଗଙ୍ଗୁଆ ନାଳର ଏକ ପୋଲ ତଳୁ ପୁଲିସ ଏକ ମୃତଦେହକୁ ଠାବ କରିଛି। ଏକ ଅଖା ଭିତରେ ଭର୍ତ୍ତି କରାଯାଇ ମୃତଦେହଟିକୁ ଗଙ୍ଗୁଆ ନାଳରେ ଫିଙ୍ଗି ଦିଆଯାଇଛି। ତେବେ ଏହି ମୃତଦେହ ମହିଳା କିମ୍ବା ପୁରୁଷଙ୍କର ତାହା ବର୍ତ୍ତମାନ ସୁଦ୍ଧା ଜଣାପଡ଼ି ନ ଥିବା ବେଳେ ଏହା ଏକ ହତ୍ୟାକାଣ୍ଡ ବୋଲ ପୁଲିସ ଆଶଙ୍କା କରୁଛି।
ମିଳିଥିବା ସୂଚନା ଅନୁଯାୟୀ, ଆଜି ସକାଳେ ଗଙ୍ଗୁଆ ନାଳ ଭିତରେ ଏକ ଅଖା ଭାସୁଥିବା ଓ ଏଥିରୁ ଦୁର୍ଗନ୍ଧ ଆସୁଥିବା କେତେକ ଲୋକ ଦେଖିଥିଲେ। ପରେ ଏ ନେଇ ସ୍ଥାନୀୟ ଲୋକେ ମଞ୍ଚେଶ୍ୱର ଥାନା ପୁଲିସକୁ ସୂଚନା ଦେଇଥିିଲେ। ସୂଚନା ପାଇ ପୁଲିସ ଘଟଣାସ୍ଥଳରେ ପହଞ୍ଚି ଅଖାଭିତରେ ଏକ ମୃତଦେହ ଥିବା ଜାଣିବାକୁ ପାଇଥିଲେ। ତେବେ ନାଳରେ ପାଣିରୁ ଏହି ମୃତଦେହ ଉଦ୍ଧାର କରିବାକୁ ପୁଲିସ ଅଗ୍ନିଶମ ବିଭାଗର ସହାୟତା ନେଇଛି। ମୃତଦେହ ଉଦ୍ଧାର ପରେ ଏହା ମହିଳା କିମ୍ବା ପୁରୁଷଙ୍କର ତାହ ଜଣାପଡ଼ିବା ସହିତ ମୃତକଙ୍କ ପରିଚୟ ନେଇ ଖୋଳତାଡ଼ ହେବ ବୋଲି ପୁଲିସ କହିଛି।