ପୋଖରାନସ୍ଥିତ ଶିବ ମନ୍ଦିରରେ ପୂଜା କଲେ ରାଜସ୍ଥାନର ମୁସଲମାନ ମନ୍ତ୍ରୀ

ଜୟପୁର, ଜାନୁଆରୀ ୦୨ : ଜୟସାଲମେର ଜିଲ୍ଲା ଅନ୍ତର୍ଗତ ପୋଖରାନସ୍ଥିତ ଶିବ ମନ୍ଦିରରେ ରବିବାର ଦିନ ରାଜସ୍ଥାନର ଗେହଲଟ୍‌ ସରକାରଙ୍କର ମନ୍ତ୍ରୀ ସାଲେହ୍‌ ମହମ୍ମଦ ଗୋଟିଏ ବିଶେଷ ପୂଜା କରିଛନ୍ତି।

ମୁସଲମାନ ଧାର୍ମିକ ନେତା ଗାଜି ଫକିରଙ୍କ ପୁତ୍ର ମହମ୍ମଦ ଗେହଲଟ୍‌ କ୍ୟାବିନେଟ୍‌ରେ ମନ୍ତ୍ରୀଭାବେ ଶପଥ ଗ୍ରହଣ କରିବା ପରେ ପ୍ରଥମ ଥର ଲାଗି ପୋଖରାନ୍‌ରେ ପହଞ୍ଚିଥିଲେ। ମନ୍ତ୍ରୀଙ୍କ ଅଚାନକ ଆଗମନ ସେ ଅଞ୍ଚଳର ଲୋକମାନଙ୍କୁ ଆଚମ୍ବିତ କରି ପକାଇଥିଲା।

ମନ୍ଦିରରେ ପହଞ୍ଚିବା ପରେ ହିନ୍ଦୁ ରିତିନୀତି ଅନୁସାରେ, ସେ ପ୍ରାୟ ଅଧଘଣ୍ଟାଏ ଧରି ବିଶେଷ ପୂଜାର୍ଚ୍ଚନା କଲେ। ଶିବଙ୍କୁ ଜଳଲାଗି କରି ସେ ମହୁ ଓ ଦୁଗ୍ଧ ଅର୍ପଣ କରିଥିଲେ।