ପୁଣି ଭିଜିଲାନ୍ସ ପଞ୍ଝାରେ ସରକାରୀ କର୍ମଚାରୀ

ଭବାନୀପାଟଣା, ଡିସେମ୍ବର ୨୮ : ରାଜ୍ୟରେ ଭିଜିଲାନ୍ସର ଆକ୍ଟିଭ୍ ନେସ୍ ଏବେ ସରକାରୀ ବାବୁଙ୍କ ନିଦ ହଜାଇ ଦେଇଛି । କେତେବେଳେ କିଏ ଭିଜିଲାନ୍ସ ସ୍କାନରକୁ ଆସୁଛନ୍ତି ତାହା ସମସ୍ତଙ୍କ କଳ୍ପନା ବାହାରେ । ଆଜି ପୁଣି ଭିଜିଲାନ୍ସ ପଞ୍ଝାରେ ଆଉ ଏକ ସରକାରୀ କର୍ମଚାରୀ । 

କଳାହାଣ୍ଡି ଜିଲ୍ଲା ଭବାନୀପାଟଣାର ଥୁଆପଦର ପଞ୍ଚାୟତର କାର୍ଯ୍ୟ ନିର୍ବାହୀ ଅଧିକାରୀ ବାଲେଶ୍ୱର ନାୟକଙ୍କ ଘରେ ଭିଜିଲାନ୍ସ ରେଡ୍ କରିଛି । 

ଏକ କାଳୀନ ଭାବରେ ୩ଟି ସ୍ଥାନରେ ଚଢାଉ କରି ବାଲେଶ୍ୱର ନାୟକଙ୍କ ସମ୍ପତି ଆକଳନ କରୁଛି ଭିଜିଲାନ୍ସ । ପଞ୍ଚାୟତ କାର୍ଯ୍ୟାଳୟ ସମେତ ବାଲେଶ୍ୱରଙ୍କ ବାସଭବନ ଓ ଗୋଦାମ ଗୃହରେ ଭିଜିଲାନ୍ସ ଚଢାଉ କରିଛି ।