ନୀଳଗିରି: ଆସିଲାନାହିଁ ଦମକଳ, ଜଳିଗଲା ୮ ବଖରା ଘର

ନୀଳଗିରି : ଗତକାଲି ରାତିରେ ବାଲେଶ୍ୱର ଜିଲ୍ଲା ନୀଳଗିରି ଥାନା ଅନ୍ତର୍ଗତ ଶ୍ରୀରାମପୁର ଗ୍ରାମରେ ଭୟାବହ ଅଗ୍ନିକାଣ୍ଡ ଘଟି ୫ଟି ପରିବାରର ୮ ବଖରା ଘର ପୋଡ଼ି ପାଉଁଶ ହୋଇଯାଇଛି। ଘରେ ନିଆଁ ଲାଗିଯିବାରୁ ଲୋକେ ଆତୁର ହୋଇ ଦମକଳ କେନ୍ଦ୍ରକୁ ଫୋନ କରିଥିଲେ। ମାତ୍ର ଅଗ୍ନିଶମବିଭାଗର କର୍ମଚାରୀମାନେ ଆନ୍ଦୋଳନ କରୁଥିବାରୁ କୌଣସି ଦମକଳ ନିଆ ଲିଭାଇବାକୁ ଆସି ନ ଥିଲା। ତେଣୁ ବାଧ୍ୟ ହୋଇ ଲୋକେ ନିଜ ବ୍ୟବସ୍ଥାରେ ନିଆଁକୁ ଆୟତ୍ତ କରିଛନ୍ତି।

ମିଳିଥିବା ସୂଚନା ଅନୁଯାୟୀ, ଗତକାଲି ବିଳମ୍ବିତ ରାତିରେ ହଠାତ ଦୁଲ ସାହୁଙ୍କ ଘରେ ନିଆଁ ଲାଗି ଯାଇଥିଲା । ଚାହୁଁ ଚାହୁଁ ଏହି ନିଆଁ ଗ୍ରାମର ସୁରେନ୍ଦ୍ର ସାହୁ, ନୀର ସାହୁ, ଜିତୁ ସାହୁ ଓ ଲିଟୁ ସହୁଙ୍କ ଘରକୁ ବ୍ୟାପୀ ଯାଇଥିଲା। ତେବେ ଦମକଳ ନ ଆସିବାରୁ ଲୋକେ ଗାଁ ପାଖରେ ଥିବା ଜଣଙ୍କ ପାଣି ପମ୍ପ ଆଣି ନିକଟସ୍ଥ ପୋଖରୀରୁ ଏଥିରେ ପାଣି ଉଠାଇ ନିଆଁକୁ ଲିଭାଇଛନ୍ତି।