ନିଆଁରେ ପୋଡ଼ି ମହିଳା ଗୁରୁତର

ରାଉରକେଲା, ୧୮ା୧୨ : ବ୍ରାହ୍ମଣୀତରଙ୍ଗ ଥାନା ଅନ୍ତର୍ଗତ ଚିକଟମାଟି ଅଞ୍ଚଳରେ ରହୁଥିବା ଜଣେ ମହିଳା ନିଆଁରେ ପୋଡ଼ିହୋଇ ଗୁରୁତର ଭାବେ ହୋଇଥିବା ଜଣାପଡିଛି । ଆହତ ମହିଳା ଜଣଙ୍କ ହେଉଛନ୍ତି ଚିକଟମାଟି ମୁଣ୍ଡା ବସ୍ତିର ଗୌରୀ ସାହୁ (୩୫) । ଗତକାଲି ସେ ଚୁଲିରେ ରୋଷେଇ କରୁ୍ଥିବାବେଳେ ହଠାତ୍ ତାଙ୍କ ଲୁଗାରେ ନିଆଁ ଲାଗିଯାଇଥିଲା । ହଠାତ୍ ଶାଢୀରେ ନିଆଁ ଲାଗିଯିବାରୁ ସେ ଚିକ୍ରାର କରିଥିଲେ । ତାଙ୍କ ଚିକ୍ରାର ଶୁଣି ସ୍ୱାମୀ ଶରତ ସାହୁ ତାଙ୍କୁ ଉଦ୍ଧାର କରି ତୁରନ୍ତ ଆରଜିଏଚ୍ରେ ଭର୍ତ୍ତି କରିଥିଲେ । ଗୌରୀଙ୍କ ଶରୀରର ପ୍ରାୟ ୬୦ ପ୍ରତିଶତ ପୋଡି ଯାଇଥିବାରୁ ତାଙ୍କୁ ଉନ୍ନତ ଚିକିତ୍ସା ପାଇଁ ବୁର୍ଲା ସ୍ଥାନାନ୍ତର କରାଯାଇଛି ।