କଂଗ୍ରେସ ଆରମ୍ଭ କରିଥିବା ଖେଳର ପରିସମାପ୍ତି କରିବ ବିଜେପି : ଶିବରାଜ ସିଂହ ଚୌହାନ୍

ଏହି ଘଟଣା ଉପରେ ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ୍ କହିଛନ୍ତି, ମଧ୍ୟପ୍ରଦେଶରେ କଂଗ୍ରେସ ଖରାପ ଖେଳ ଆରମ୍ଭ କରିଛି, ଯାହାକୁ ବିଜେପି ଶେଷ କରିବ । ଚୌହାନ କହିଛନ୍ତି, ମଧ୍ୟପ୍ରଦେଶରେ କଂଗ୍ରେସର ମାର୍ଗ ଦର୍ଶନରେ ୨ ଜଣ ବିଜେପି ବିଧାୟକ ଦଳ ଛାଡ଼ିଛନ୍ତି । କିନ୍ତୁ ଗତ ବିଧାନସଭା ନିର୍ବାଚନରେ ବିଜେପି କଂଗ୍ରେସଠାରୁ ଟିକେ କମ୍ ଆସନ ଜିତିଥିବା ହେତୁ ନୈତିକତା ଆଧାରରେ ସରକାର ଗଠନଲାଗି ଦାବି କରି ନଥିଲା। କଂଗ୍ରେସକୁ ଏହାର କଡ଼ା ଜବାବ ଦିଆଯିବ ଏବଂ ଏହି ଖେଳର ପରିସମାପ୍ତି କରିବ ବିଜେପି ବୋଲି ଶିବରାଜ ସିଂହ ଚୌହାନ୍ କହିଛନ୍ତି।