ଝାରସୁଗୁଡା : ବୀର ସୁରେନ୍ଦ୍ର ସାଏ ବିମାନ ବନ୍ଦର ଉଦ୍ଘାଟନ ପରେ ଝାରସୁଗୁଡାରେ ଅନୁଷ୍ଠିତ ବିଶାଳ ଜନ ସମାବେଶରେ ଯୋଗ ଦେଇ ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଲୋକଙ୍କ ବିକାଶ ପ୍ରତି ରାଜ୍ୟ ସରକାର ଉଦାସୀନ ରହିଛନ୍ତି। ଯାହା ଫଳରେ ଓଡ଼ିଶା ଦେଶର ଅନ୍ୟ ଭାଗ ତୁଳନାରେ ପଛରେ ପଡ଼ିଯାଇଛି। ଭ୍ରଷ୍ଟାଚାର ଓଡ଼ିଶା ସରକାରଙ୍କ ପରିଚୟ ପାଲଟିଛି। ଏଠାରେ ଲୋକମାନେ ‘ପିସି’(ପରସେଣ୍ଟେ) ଦେଇ ଦେଇ ପେଷି ହୋଇଗଲେଣି ବୋଲି ପ୍ରଧାନମନ୍ତ୍ରୀ ମୋଦି କହିଛନ୍ତି। ହାତଗୁଞ୍ଜା ନ ଦେଲେ ଓଡ଼ିଶା ସରକାରରେ ଗରିବଙ୍କ କାମ ହେଉ ନାହିଁ।
ଏଭଳି ସ୍ଥିତିରେ ଓଡ଼ିଶାର ପରିବର୍ତ୍ତନ କେମିତି ହେବ ବୋଲି ସାଧାରଣ ସଭାରେ ଲୋକଙ୍କ ଜରିଆରେ ରାଜ୍ୟ ସରକାରଙ୍କୁ ସମାଲୋଚନା କରିଛନ୍ତି ମୋଦି । ପିସି ପାଇଁ ଓଡ଼ିଶା ଭଳି ରାଜ୍ୟର ବିକାଶ ହୋଇ ପାରୁ ନାହିଁ । ରାଜ୍ୟରେ ଚାଲିଥିବା ଚାରା ଠାରୁ ଆରମ୍ଭ କରି ରାସ୍ତାଘାଟ ପ୍ରକଳ୍ପ ଯାଏଁ ସବୁଠି ପିସି କାରବାର ଚାଲିଛି । ଓଡ଼ିଶାରେ ଭଷ୍ଟ୍ରତନ୍ତ୍ର ଚାଲିଛି ବୋଲି ଅଭିଯୋଗ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
Prasanta Patnaik