ତୁରନ୍ତ ଶୁଣାଣି ପାଇଁ ରାଜୀବ କୁମାରଙ୍କ ଆବେଦନ ଖାରଜ କଲେ କଲିକତା ହାଇକୋର୍ଟ

ନୂଆଦିଲ୍ଲୀ : ସାରଦା ଚିଟ ଫଣ୍ଡ ମାମଲାରେ ସିବିଆଇର ସମନ ବାବଦରେ ତୁରନ୍ତ ଶୁଣାଣି ପାଇଁ କୋଲକତା ପୁଲିସ କମିଶନର ରାଜୀବ କୁମାରଙ୍କ ଆବେଦନକୁ ଖାରଜ କରିଦେଇଛନ୍ତି କଲିକତା ହାଇକୋର୍ଟ । ଏ ମାମଲାରେ କେନ୍ଦ୍ର ସରକାରଙ୍କ ଆପତ୍ତି ପରେ ଜଷ୍ଟିସ ଶିବକାନ୍ତ ପ୍ରସାଦ ଏହାକୁ ମଙ୍ଗଳବାର ଦିନ ପାଇଁ ତାଲିକାଭୁକ୍ତ କରିଛନ୍ତି । ସିବିଆଇ ପକ୍ଷରୁ ରାଜୀବ କୁମାରଙ୍କୁ ଜେରା ପାଇଁ ସମନ ପଠାଯାଇଥିବାରୁ ତାହା ଉପରେ ରୋକ ଲଗାଇବାକୁ ସେ ହାଇକୋର୍ଟରେ ଆବେଦନ କରିଥିଲେ ।

ଚିଟଫଣ୍ଡ ଦୁର୍ନୀତିର ତଦନ୍ତ କରୁଥିବା ରାଜ୍ୟ ପୁଲିସର ଏସ୍ଆଇଟିର ମୁଖ୍ୟ ଥିବା ଆଇପିଏସ୍ ରାଜୀବ କୁମାର ଅଭିଯୁକ୍ତଙ୍କ ବିରୋଧରେ ଥିବା ପ୍ରମାଣ ନଷ୍ଟ କରିଛନ୍ତି ବୋଲି ସିବିଆଇ କହିଛି।