ପୁରୀ, ଜାନୁଆରୀ ୭ : ଚଳିତ ବର୍ଷ ରାଜ୍ୟରେ କରୋନା ଯେତିକି କାୟା ବିସ୍ତାର କରିପାରିନି ତାଠାରୁ ଅଧିକ ଗୁଣାରେ କାୟା ବିସ୍ତାର କରିବାରେ ସଫଳ ହୋଇଛି ନିଶା କାରବାର । ବର୍ତମାନ ରାଜ୍ୟରେ ବେଧଡକ୍ ଚାଲିଛି ନିଶା କାରବାର । ପ୍ରତିଦିନ କେଉଁଠୁ ଗଞ୍ଜେଇ ଜବତ୍ କରାଯାଉଛଇ ତ ଆଉ କେଉଁଠୁ ବ୍ରାଉନସୁଗାର ଜବତ ର ଖବର ଏବେ ପ୍ରଶାସନର ଚିନ୍ତା ବଢାଇଛି ।
ଆଜି ପୁରୀ ଜିଲ୍ଲା ସିଦ୍ଧ ମହାବୀର ଲେବଲ୍ କ୍ରସିଂଙ୍ଗ୍ ଅଞ୍ଚଳରୁ ବିପୁଳ ପରିମାଣର ଧଳାଜହର ଜବତ୍ କରିଛି ଅବକାରୀ ବିଭାଗ । ସୂଚନା ଅନୁସାରେ ଖବର ପାଇ ଅବକାରୀ ବିଭାଗର ଚଢାଉ ସମୟରେ ଏହି ଅଞ୍ଚଳରୁ ପ୍ରାୟ ୨୦୦ଗ୍ରାମର ବ୍ରାଉନସୁଗାର ଜବତ କରାଯାଇଛି । ଯାହାର ଆନୁମାନିକ ବଜାର ମୂଲ୍ୟ ୨୦ ଲକ୍ଷ ଟଙ୍କାରୁ ଉର୍ଦ୍ଧ୍ୱ ହେବ ବୋଲି ଜଣାପଡିଛି ।
ତେବେ ଏହି ବ୍ରାଉନସୁଗାର ବାଲେଶ୍ୱରରୁ ପୁରୀ ଚାଲାଣ ହେଉଥିବା ବେଳେ ଅବକାରୀ ବିଭାଗ ଦ୍ୱାରା ଜବତ୍ କରାଯାଇଛି । ବ୍ରାଉନସୁଗାର ଚାଲାଣ କରୁଥିବା ଦୁଇଜଣ ବେପାରୀଙ୍କୁ ଅବକାରୀ ବିଭାଗ ଦ୍ୱାରା ଗିରଫ କରାଯାଇଛି । ଗିରଫ ଅଭିଯୁକ୍ତ ମାନେ ହେଲେ ଶିବ ପ୍ରସାଦ ବେହେରା ଓ ରଘୁନାଥ ଦାସ ।
Prasanta Patnaik