ମଧ୍ୟପ୍ରଦେଶରେ ଋଣଛାଡ କରିବାର ଏକ ସପ୍ତାହ ମଧ୍ୟରେ ଦୁଇ କୃଷକଙ୍କ ଆତ୍ମହତ୍ୟା

କୃଷକଙ୍କ ପରିବାର ଲୋକ ଅଭିଯୋଗ ଆଣିଛନ୍ତି ଯେ, ସରକାର ଋଣଛାଡ କରିବା ପାଇଁ ଜାରି କରିଥିବା ତାଲିକାରେ ତାଙ୍କର ନାମ ଆସି ନଥିଲା । କାରଣ ରାଜ୍ୟ ସରକାର ୨୦୧୮ ମାର୍ଚ୍ଚ ୩୧ ପର୍ଯ୍ୟନ୍ତ ଋଣଛାଡ କରିବା ପାଇଁ ଘୋଷଣା କରିଛନ୍ତି । ମୃତ କୃଷକଙ୍କ ଉପରେ ସହକାରୀ ବ୍ୟାଙ୍କର ପାଖାପାଖି ୩ ଲକ୍ଷ ଟଙ୍କାର ଋଣ ଥିଲା । ସେହି ସମୟରେ ପଧାନା ପୁଲିସ ଥାନା ପ୍ରଭାରୀ ଶିବେନ୍ଦ୍ର ଜୋଶୀ କହିଛନ୍ତି କି, ଅସ୍ତରୀୟା ଗ୍ରାମର କୃଷକ ଜୁବାନ ସିଂହଙ୍କ ଶବ କ୍ଷେତରେ ଝୁଲୁଥିବା ଅବସ୍ଥାରେ ଉଦ୍ଧାର କରା ଯାଇଥିଲା । ଘଟଣାସ୍ଥଳରେ ପୁଲିସ ପହଂଚି ଶବକୁ ପୋଷ୍ଟମର୍ଟମ କରିବା ପାଇଁ ପଠାଇଛି ।

ଜୋଶୀ କହିଛନ୍ତି କି, ଏହି ସମ୍ବନ୍ଧିତ ମାମଲା ରୁଜୁ କରାଯାଇଛି ଏବଂ ଯାଂଚ୍ ଚାଲିଛି । ମାମଲାର ଯାଂଚ୍ ପରେ ଜଣା ପଡିବ ଯେ, ସେ କେଉଁ କାରଣ ପାଇଁ ଆତ୍ମହତ୍ୟା କରିଛନ୍ତି । ସେହି ଭଳି କାଲା ପିପଲ ସାଜାପୁର ଜିଲ୍ଲାର ଜଣେ କୃଷକ ପ୍ରେମ ନାରାୟଣ ରଘୁବଂଶୀ ଋଣଛାଡ ଯୋଜନା ଦାୟରରେ ଡିସେମ୍ବର ୨୦ରେ ବିଷ ଖାଇ ଆତ୍ମହତ୍ୟା କରିଥିଲେ ।