କୋଲ୍କାତା : ଇଷ୍ଟ୍ େଓ୍ଵଷ୍ଟ୍ ମେଟ୍ରୋ ପ୍ରକଳ୍ପ ନିମନ୍ତେ ଭୂତଳ ରେଳପଥ ପାଇଁ ଚାଲିଥିବା ସୁଡ଼ଙ୍ଗ କାର୍ଯ୍ୟ ଯୋଗୁଁ କେନ୍ଦ୍ରୀୟ କୋଲ୍କାତାର ଅନ୍ୟତମ ପୁରାତନ ଅଞ୍ଚଳ ବାଓବଜାରରେ ମଙ୍ଗଳବାର ରାତିରୁ ବହୁକୋଠାବାଡ଼ି ଫାଟି ଯିବାରୁ ଜଣେ ମନ୍ତ୍ରୀଙ୍କ ସମେତ ଶହ ଶହ ଲୋକ ସ୍ଥାନାନ୍ତରିତ ହୋଇଛନ୍ତି।
ପ୍ରତିଷେଧ ପଦକ୍ଷେପ ସ୍ୱରୂପ ଯେଉଁମାନଙ୍କୁ ଘର ଖାଲି କରିବାକୁ କୁହାଯାଇଥିଲା, ସେମାନଙ୍କ ମଧ୍ୟରେ ଅଛନ୍ତି ସଂସଦୀୟ ରାଷ୍ଟ୍ରମନ୍ତ୍ରୀ ତାପସ ରାୟ। କୋଲ୍କାତା ମେଟ୍ରୋ ରେଲ୍ କର୍ପୋରେସନ୍ ଲିମିଟେଡ୍ର ଟିମ୍ ପର୍ଯ୍ୟବେକ୍ଷଣ କରିବା ପରେ ଘର ଖାଲି କରିବା ନୋଟିସ୍ ଦେଇଥିଲେ। ଗତ ସପ୍ତାହରେ ପ୍ରାୟ ୪୦୦ ଲୋକଙ୍କୁ ହୋଟେଲ୍ରେ ରଖାଯାଇଥିଲା।
ସରକାର ଏବଂ କେଏମ୍ଆର୍ସିଏଲ୍ ବାସିନ୍ଦାମାନଙ୍କୁ ଥଇଥାନ କରିବା ଏବଂ କ୍ଷତିପୂରଣ ଦେବା ଉପରେ ଗୁରୁତ୍ୱ ଦେବେ ବୋଲି ମୁଖ୍ୟମନ୍ତ୍ରୀ ମମତା ବାନାର୍ଜୀ କହିଥିଲେ ବି ନିର୍ମାଣ ଦାୟିତ୍ୱରେ ଥିବା କମ୍ପାନି ବଡ଼ ଭୁଲ୍ କରିଛି ବୋଲି ଗୁରୁବାର ଦିନ ସହରାଞ୍ଚଳ ବିକାଶ ମନ୍ତ୍ରୀ ଏବଂ କୋଲ୍କାତା ମେୟର୍ ଫିର୍ହାଦ ହକିମ୍ କହିଛନ୍ତି।
Prasanta Patnaik