ଭାରତରତ୍ନ ତଥା ପୂର୍ବତନ ପ୍ରଧାନମନ୍ତ୍ରୀଙ୍କ ବିୟୋଗରେ ଆଦର୍ଶ ଯୁବ ପରିଷଦର ଶୋକ

ରାଉରକେଲା, ୨୦ା୮: ଭାରତରତ୍ନ, ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ବିୟୋଗରେ ଆଦର୍ଶ ଯୁବ ପରିଷଦ ପକ୍ଷରୁ ଗଭୀର ଶୋକ ପ୍ରକାଶ କରାଯାଇଛି । ପରିଷଦ ସଭାପତିଙ୍କ ସଭାପତିତ୍ୱରେ ଆୟୋଜିତ ଶୋକ ସଭାରେ ସ୍ୱର୍ଗତ ବାଜପେୟୀଙ୍କ ସ୍ମୃତିଚାରଣ ସହ ତାଙ୍କ ଉଦ୍ଦେଶ୍ୟରେ ୨ ମିନିଟ୍ ନୀରବ ପ୍ରାର୍ଥନା କରାଯାଇଥିଲା ।

ଏଥିସହ ସ୍ୱର୍ଗତ ମହାନ ଆତ୍ମାର ସଦ୍ଗତି ନିମନ୍ତେ ଈଶ୍ୱରଙ୍କ ନିକଟରେ ସାମୁହିକ ଭାବେ ପ୍ରାର୍ଥନା କରାଯାଇଥିଲା । ଶୋକସଭାରେ ବରଦା ପ୍ରସନ୍ନ ଦାସ, ଜୟନ୍ତ କୁମାର ମଲ୍ଲିକ, ସଦାଶିବ ପଣ୍ଡା, ସତ୍ୟସୁନ୍ଦର ପାତ୍ର, ସରୋଜ କୁମାର ଷଡଙ୍ଗୀ, ଶୈଳେନ୍ଦ୍ର କୁମାର ରାଉତ, ମନୋଜ କୁମାର ଧୂପାଳ, ଶେଷ ବଘାର, ରାଜୀବ ବାଗ ପ୍ରମୁଖ ଉପସ୍ଥିତ ରହି ଶ୍ରଦ୍ଧାସୁମନ ଅର୍ପଣ କରିଥିଲେ ।