ଭୁବନେଶ୍ୱର, ନଭେମ୍ବର ୨୧ : ସୁନ୍ଦରଗଡ଼ ଜିଲ୍ଲା ବୀରମିତ୍ରପୁର ଥାନା ଆଇଆଇସି ସ୍ମୃତି ପ୍ରଭା ପ୍ରଧାନ, ପୁରୀ ଜିଲ୍ଲା ବାସେଳିସାହି ଥାନା ଏସ.ଆଇ ବିପ୍ଲବ କୁମାର ପ୍ରଧାନ, କନଷ୍ଟେବଳ ଜଗନ୍ନାଥ ସ୍ୱାଇଁ ଓ କନଷ୍ଟେବଳ ବାବୁଲି ବେହେରାଙ୍କୁ ରାଜ୍ୟ ପୋଲିସ ମହାନିର୍ଦ୍ଦେଶକ ଅଭୟ ଶୁକ୍ରବାର ବିଳମ୍ବିତ ରାତି ନିଲମ୍ବନ କରିଛନ୍ତି । ଡିଜିପି ଅଭୟ ଟୁଇଟ ମାଧ୍ୟମରେ ଏହି ସୂଚନା ଦେଇଛନ୍ତି ।
ଟୁଇଟରେ ଡିଜିପି କହିଛନ୍ତି ଯେ, ବୀରମିତ୍ରପୁର ଆଇଆଇସି ସ୍ମୃତି ପ୍ରଭା ନିଜର କର୍ତ୍ତବ୍ୟରେ ଅବହେଳା କରିଥିଲେ । ସେଥିପାଇ ତାଙ୍କୁ ନିଲମ୍ବନ କରିଛନ୍ତି ।
ସୂଚନାଯୋଗ୍ୟ, ୩ ଦିନ ପୂର୍ବରୁ ସୁନ୍ଦରଗଡ଼ ଜିଲ୍ଲା ବୀରମିତ୍ରପୁର ଥାନାରେ ପୋଲିସ ହେପାଜତରେ ଥିବା ବେଳେ ଜଣେ ଅଭିଯୁକ୍ତଙ୍କର ମୃତ୍ୟୁ ହୋଇଥିବା ଅଭିଯୋଗ ହୋଇଥିଲା । ସମାନ ପ୍ରକାରର ଘଟଣା ପୁରୀର ବାସେଳିସାହି ଥାନାରେ ମଧ୍ୟ ଦେଖାଯାଇଥିଲା । ଉଭୟ ଘଟଣା ମାତ୍ର ୨୪ ଘଣ୍ଟା ମଧ୍ୟରେ ହିଁ ଘଟିଥିଲା । ଉପରୋକ୍ତ ୪ ଜଣ ପୋଲିସ ଏହି ୨ଟି ହାଜତ ମୃତ୍ୟୁ ଅଭିଯୋଗ ଘଟଣାରେ ଡିଜିପି ନିଲମ୍ବନ କରିଥିବା ଜଣାଯାଇଛି ।
Prasanta Patnaik