ବଢ଼ିଲା ବିମାନ ଭଡା, ସୁରକ୍ଷା ବାବଦକୁ ନିଆଯିବ ଅଧିକ ଅର୍ଥ

ନୂଆଦିଲ୍ଲୀ: ବିମାନରେ ଯାତ୍ରା କରୁଥିବା ଯାତ୍ରୀଙ୍କୁ ଏବେ କିଛି ଅଧିକ ଖର୍ଚ୍ଚ କରିବାକୁ ପଡିବ | ସାରା ଦେଶରେ କାର୍ଯ୍ୟକ୍ଷମ ଥିବା ବିମାନବନ୍ଦରରେ ଏହି ବର୍ଦ୍ଧିତ ଦର ଲାଗୁ କରାଯାଇଛି | ମନ୍ତ୍ରାଳୟ ପକ୍ଷରୁ କୁହାଯାଇଛି ଯେ ଘରୋଇ ଯାତ୍ରୀମାନଙ୍କୁ ୧୫୦ ଟଙ୍କା ଅତିରିକ୍ତ ଦେୟ ଦେବାକୁ ପଡିବ | ସେହିପରି ବିଦେଶୀ ଯାତ୍ରୀମାନଙ୍କୁ ୪.୮୫ ଡଲାର ଦେବାକୁ ପଡିବ |

ବର୍ତ୍ତମାନ ଉଭୟ ଘରୋଇ ଓ ବିଦେଶୀ ଯାତ୍ରୀଙ୍କ ପାଇଁ ସୁରକ୍ଷା ମୂଲ୍ୟ ବାବଦକୁ ୧୩୦ ଟଙ୍କା ଦେବାର ନିୟମ ରହିଛି | ଏହି ବର୍ଦ୍ଧିତ ମୂଲ୍ୟ ଉଭୟ ଘରୋଇ ଓ ବିଦେଶୀ ଯାତ୍ରୀଙ୍କ ପାଇଁ ଲାଗୁ ହେବ | ଦେଶର ୬୧ଟି ବିମାନବନ୍ଦରରେ ଏହି ବର୍ଦ୍ଧିତ ମୂଲ୍ୟ ଲାଗୁ ହେବ |