ବଜ୍ରପାତରେ ୫ ମୃତ, ୨ ଗୁରୁତର

କେନ୍ଦ୍ରାପଡ଼ା : କେନ୍ଦ୍ରାପଡ଼ା ଜିଲାର ବିଭିନ୍ନ ସ୍ଥାନରେ ଆଜି ବର୍ଷା ସହ ଘଡ଼ଘଡ଼ି, ବିଜୁଳି ମାରିଥିବା ଜଣାଯାଇଛି। ବଜ୍ରପାତ ଘଟି ଜିଲାର ବିଭିନ୍ନ ଅଞ୍ଚଳରେ ୫ ଜଣଙ୍କ ମୃତ୍ୟୁ ହୋଇଛି।  ଏଥିରେ ୨ ଜଣ ଗୁରୁତର  ହୋଇଛନ୍ତି।

ମୃତକମାନେ ହେଲେ  ମହାକାଳପଡ଼ା କରଞ୍ଜ ଗାଁର  ୨ ଜଣ ଓ ଗରଦପୁର ବ୍ଲକ ମରିଲୋ ଗାଁର ଜଣେ। ସେହିପରି ମାର୍ଶାଘାଇ ବ୍ଲକ ନରଣପୁର ଗାଁରେ ଓ ଗରଦପୁର ଗୋତ୍ରିବିଲ ଗାଁରେ ଜଣେ ଲେଖାଏ ବଜ୍ରପାତରେ ପ୍ରାଣ ହରାଇଛନ୍ତି।

କରଞ୍ଜ ଗାଁର ମୃତକଦ୍ୱୟ ହେଲେ ରଙ୍ଗ ବେହେରା ଓ ଟୁକୁନି ଦାସ । ମରିଲୋ ଗାଁର ଦିଲୀପ ମଲ୍ଲିକ ନାମକ ବ୍ୟକ୍ତିଙ୍କର ବଜ୍ରପାତ ଯୋଗୁ ଆଜି ମୃତ୍ୟୁ ଘଟିଛି। ଅନ୍ୟ ୨ ମୃତକଙ୍କ ଗାଁ ନାଁ ଜଣାପଡ଼ିଥିବା ବେଳେ ସେମାନଙ୍କ ପରିଚୟ ମିଳି ପାରି ନାହିଁ।  ସେହିପରି ଗୁରୁତରଦ୍ୱୟଙ୍କ ଘର କରଞ୍ଜ ଗାଁରେ ହୋଇଥିବା ବେଳେ ସେମାନଙ୍କ ସମ୍ପର୍କରେ ସବିଶେଷ ତଥ୍ୟ ଜଣା ପଡ଼ିନି।