ନୂଆଦିଲ୍ଲୀ, ଡିସେମ୍ବର ୨୯ : ବିଦେଶ ମନ୍ତ୍ରୀ ସୁବ୍ରମଣ୍ୟମ ଜୟଶଙ୍କର ସୋମବାର କତାରର ଅମୀର ଶେଖ ତମୀମ ବିନ ହମଦ ଅଲ-ଥାନୀଙ୍କୁ ଭେଟିଛନ୍ତି ଏବଂ ଉଭୟ ଦେଶ ମଧ୍ୟରେ ଆର୍ଥିକ ସୁରକ୍ଷା ସହଯୋଗ ମଜବୁତ କରିବା ନେଇ ଆଲୋଚନା ହୋଇଛି । ଜୟଶଙ୍କର ରବିବାର ୨ ଦିନିଆ ଗସ୍ତରେ ଦୋହା ପହଂଚିଥିଲେ, ଯିଏକି ବିଦେଶ ମନ୍ତ୍ରୀ ଭାବେ ପ୍ରଥମ ଥର ଉପକୂଳ ଦେଶକୁ ଯାତ୍ରା କରିଛନ୍ତି । ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବ୍ୟକ୍ତିଗତ ବାର୍ତ୍ତା ଶେଖ ତମୀମଙ୍କୁ କହିଛନ୍ତି । ବିଦେଶ ମନ୍ତ୍ରାଳୟ ଅନୁସାରେ କତାରର ଅମୀର ଭାରତ ଗସ୍ତରେ ଆସିବାକୁ ସ୍ୱୀକାର କରିଛନ୍ତି ।
ଜୟଶଙ୍କର ଟୁଇଟ କରିଛନ୍ତି ଯେ, କତାରର ଅମୀର ବିନ ହମଦଙ୍କ ସହିତ ସାକ୍ଷାତକାର ହୋଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବ୍ୟକ୍ତିଗତ ବାର୍ତ୍ତା ଦେଇଛି । ନିଜର ଏହି ସାକ୍ଷାତ ଉଚ୍ଚ ସରରେ ପହଂଚିବା ନେଇ ପ୍ରଭାବିତ ଅଛି ବୋଲି କହିଛନ୍ତି ବିଦେଶ ମନ୍ତ୍ରୀ । ସେ ଅମୀରଙ୍କ ପିତା ଶେଖ ହମଦ ବିନ ଖଲିଫା ଉଲ-ଥାନୀଙ୍କୁ ମଧ୍ୟ ଭେଟିଛନ୍ତି, ଯିଏକି ୨୦୧୩ରେ ନିଜର କ୍ଷମତା ପୁତ୍ରଙ୍କୁ ସମର୍ପି ଦେଇଥିଲେ । ତାଙ୍କର ନେତୃତ୍ୱରେ ଭାରତ ଓ କତାର ମଧ୍ୟ ସଂପର୍କ ଦୃଢ଼ ହୋଇପାରିଛି ।