ପବ୍‌ଜି ଅନ୍‌ଲାଇନ୍‌ ଗେମ୍‌ ଖେଳି ୧୦ ଛାତ୍ର ଗିରଫ

ରାଜକୋଟ:ଗୁଜୁରାଟର ରାଜକୋଟରେ ଏକ କଲେଜ୍‌ରେ ୧୦ ଜଣ ଛାତ୍ର ସର୍ବସାଧାରଣ ସ୍ଥାନରେ ପବ୍‌ଜି ଅନ୍‌ଲାଇନ୍‌ ଗେମ୍‌ ଖେଳି ଗିରଫ ହୋଇଥିବା ଖବର ଚାଞ୍ଚଲ୍ୟ ସୃଷ୍ଟି କରିଛି। ଅବଶ୍ୟ ପରେ ସେମାନଙ୍କୁ ଜାମିନରେ ଛଡାଯାଇଥିବା ଜଣାଯାଇଛି। ଏହି କଲେଜ୍‌ରେ ପବ୍‌ଜି ଗେମ୍‌ ନ ଖେଳିବା ଲାଗି ପୁଲିସ ପକ୍ଷରୁ ଆଗରୁ ପରାମର୍ଶ ଦିଆଯାଇଥିଲା। ତା’ଛଡା ଏହି ଅନ୍‌ଲାଇନ୍‌ ଗେମ୍‌କୁ ନିଷିଦ୍ଧ କରାଯାଇଥିବା ନୋଟିସ ମଧ୍ୟ ଜାରି କରିଥିଲା ପୁଲିସ। ଗୁଜୁରାଟର ଅଧିକାଂଶ ଜିଲ୍ଲାରେ ଏହି ଖେଳକୁ ନିଷିଦ୍ଧ କରାଯାଇଥିଲା।