ଟ୍ରମ୍ପ୍‌ଙ୍କ ସହ ମତଭେଦ ଯୋଗୁଁ ଇସ୍ତଫା ଦେଲେ ପ୍ରତିରକ୍ଷା ସଚିବ ଜିମ୍‌ ମ୍ୟାଟିସ୍‌

ଓ୍ଵାସିଂଟନ୍‌, ଡିସେମ୍ବର ୨୧ : ରାଷ୍ଟ୍ରପତି ଡୋନାଲ୍‌ଡ୍‌ ଟ୍ରମ୍ପ୍‌ଙ୍କ ବୈଦେଶିକ ନୀତି ସହ ସହମତ ହୋଇ ନ ପାରିବାରୁ ଯୁକ୍ତରାଷ୍ଟ୍ର ଆମେରିକାର ପ୍ରତିରକ୍ଷା ସଚିବ ଜିମ୍‌ ମ୍ୟାଟିସ୍‌ ଗୁରୁବାର ଦିନ ଇସ୍ତଫା ଦେଇଥିବା କଥା କହିଛନ୍ତି। ଶୀର୍ଷସ୍ତରୀୟ ପରାମର୍ଶଦାତାଙ୍କୁ ଅମାନ୍ୟ କରି ସିରିଆରୁ ସମସ୍ତ ଯୁକ୍ତରାଷ୍ଟ୍ର ଆମେରିକୀୟ ସୈନ୍ୟ ପ୍ରତ୍ୟାହାର ଲାଗି ନିଷ୍ପତ୍ତି ନେବାର ଦିନକ ପରେ ଜିମ୍‌ ଏ ଭଳି ପଦକ୍ଷେପ ନେଇଛନ୍ତି। ମତପାର୍ଥକ୍ୟ ଉପରେ ଟ୍ରମ୍ପ୍‌ଙ୍କ ସହ ମୁହାଁମୁହିଁ କଥା ହେବା ପରେ ମ୍ୟାଟିସ୍‌ ଇସ୍ତଫା ଦେବାକୁ ଯୋଜନା କରିଥିବା କଥା ଘୋଷଣା କରିଛନ୍ତି।

ଟ୍ରମ୍ପ୍‌ ବଳପୂର୍ବକ ମ୍ୟାଟିସ୍‌ଙ୍କୁ ବିଦା କରି ନାହାନ୍ତି ବୋଲି ଜଣେ ଆମେରିକୀୟ ଅଧିକାରୀ କହିଛନ୍ତି।