ପୁରୀ, ଫେବୃଆରୀ ୧୦ : ଚଳିତ ବର୍ଷ ପାଞ୍ଜିକା ଅନୁସାରେ ମହାପ୍ରଭୁଙ୍କ ନାଗାର୍ଜୁନ ବେଶ ପଡୁନାହିଁ ତେଣୁ ଚଳିତ ବର୍ଷ ଶ୍ରୀଜୀଉ ମାନଙ୍କ ନାଗାର୍ଜୁନ ବେଶ ହେବ ନାହିଁ ବୋଲି ସ୍ପଷ୍ଟ କରିଛି ଶ୍ରୀମନ୍ଦିର ନୀତି ପ୍ରଶାସକ ।
ଗତ ବର୍ଷ ଭଳି ଚଳିତ ବର୍ଷ ବି ମହାପ୍ରଭୁଙ୍କ ନାଗାର୍ଜୁନ ବେଶ ହେବ ବୋଲି ଅନେକ ପାଞ୍ଜିକାରେ ଲେଖା ହୋଇଥିବାରୁ ଏହାକୁ ନେଇ ବାଦବିବାଦ ଦେଖାଦେଇଥିଲା । ଏହାପରେ ଶ୍ରୀମନ୍ଦିର ନୀତି ପ୍ରଶାସକଙ୍କ ପକ୍ଷରୁ ସ୍ୱତନ୍ତ୍ର ବୈଠକ ଡକାଯାଇ ଶ୍ରୀମନ୍ଦିର ପାଞ୍ଜି ଗଣନା କରାଯାଇଥିଲା ଏବଂ ସେହି ପାଞ୍ଜି ଅନୁସାରେ ଏବର୍ଷ ମହାପ୍ରଭୁଙ୍କ ର୍ଦୁଲଭ ନାଗାର୍ଜୁନ ବେଶ କରାଯିବ ନାହିଁ ବୋଲି ସ୍ପଷ୍ଟ ହୋଇଛି ।
ଏହା ସହିତ ଚଳିତ ବର୍ଷ ଶ୍ରୀମନ୍ଦିରରେ ପାଳନ ହେବାକୁ ଥିବା ଅନ୍ୟ ସବୁ ପର୍ବପର୍ବାଣୀକୁ ମଧ୍ୟ ଅନୁମୋଦନ କରାଯାଇଛି। ଏଥିସହିତ ଶ୍ରୀମନ୍ଦିର ନୀତି ପ୍ରଶାସକଙ୍କ ପକ୍ଷରୁ କେବଳ କୋହିନୂର ଓ ରାଧାରମଣ ପାଞ୍ଜିକା ଗଣନାକୁ ସ୍ୱିକୃତି ଦିଆଯାଇଛି ।
ପୂର୍ବ ବର୍ଷ କରୋନା କଟକଣା ଭିତରେ ମହାପ୍ରଭୁଙ୍କ ନାଗାର୍ଜୁନ ବେଶ ସମ୍ପନ୍ନ ହୋଇଥିବାରୁ ଭକ୍ତ ମାନେ ଶ୍ରୀଜୀଉଙ୍କ ନାଗାର୍ଜୁନ ବେଶ ଦେଖିବାରୁ ବଞ୍ଚିତ ହୋଇଥିଲେ ।
Prasanta Patnaik