ଖୋର୍ଦ୍ଧା: ପୂର୍ବତନ ସମିତି ସଭ୍ୟଙ୍କୁ ହତ୍ୟା

ପୂର୍ବତନ ସମିତି ସଭ୍ୟ ଥିବା ରବୀନ୍ଦ୍ରନାଥ ଜଣେ ଏଲଆଇସି ଏଜେଂଟ ଭାବରେ କାମ କରୁଥିଲେ । ପରିବାର ଲୋକଙ୍କ କହିବା ଅନୁଯାୟୀ, ଗତକାଲି କିଛି ଲୋକଙ୍କ ସହ ରବୀନ୍ଦ୍ରନାଥ ଘରୁ ବାହାରି ଖୋର୍ଦ୍ଧା ବାଇପାସର ଏକ ହୋଟେଲକୁ ଖାଇବାକୁ ଯାଇଥିଲେ । ଖାଇବା ପରେ ସେମାନଙ୍କ ସହ ରବୀନ୍ଦ୍ରଙ୍କର ବଚସା ଓ ଗଣ୍ଡଗୋଳ ହୋଇଥିଲା । ହତ୍ୟାକାରୀମାନେ ମାରଣାସ୍ତ୍ରରେ ଆକ୍ରମଣ କରିଥିବା ସହିତ ପଥରରେ ଛେଚି ହତ୍ୟା କରିଛନ୍ତି ବୋଲି ପରିବାର ଲୋକ ଅଭିଯୋଗ କରିଛନ୍ତି । ତେବେ ବିଳମ୍ବିତ ରାତିରେ ଏହି ହତ୍ୟାକାଣ୍ଡ ଘଟିଥିବାରୁ ରାଜନୈତିକ ଶତ୍ରୁତା ଥିବା ମଧ୍ୟ ସନ୍ଦେହ କରାଯାଉଛି । ପୋଲିସ ମୃତ ଦେହକୁ ଜବତ କରିବା ସହିତ ବ୍ୟବଚ୍ଛେଦ ପାଇଁ ପଠାଇ ଦେଇଛି । ଏହା ସହିତ ଛାନଭିନ ଆରମ୍ଭ କରିଛି ।