ପଟାଙ୍ଗି, ଡିସେମ୍ବର ୨୭ : ବାରମ୍ବାର ବାରଣ ସତ୍ତ୍ବେ କୋରାପୁଟ ଜିଲ୍ଲା ପଟାଙ୍ଗି ବ୍ଲକର ବିବାଦୀୟ କୋଟିଆ ଗ୍ରାମପୁଞ୍ଜକୁ ଅକ୍ତିଆରରେ ନେବା ପାଇଁ ପୁଣି ଅଣ୍ଟା ଭିଡ଼ିଛନ୍ତି ପଡ଼ୋଶୀ ଆନ୍ଧ୍ର ସରକାର। ସରକାରୀ କାଗଜପତ୍ରରେ ଏହି ବିବାଦୀୟ ଅଞ୍ଚଳର ବାସିନ୍ଦାଙ୍କୁ ନିଜର ଦର୍ଶାଇକୁ ଯାଇ ବଡ଼ ଷଡ଼ଯନ୍ତ୍ର କରିଛନ୍ତି। ଯାହାର ପ୍ରମାଣ ୩ଦିନ ତଳେ ଆନ୍ଧ୍ର ପକ୍ଷରୁ ଏହି ଅଞ୍ଚଳରେ ହୋଇଥିବା ସର୍ଭେ ପରେ ସାମ୍ନାକୁ ଆସିଛି।
ମିଳିଥିବା ସୂଚନା ଅନୁସାରେ, ଆନ୍ଧ୍ରର ଦୁଇ ଅଧିକାରୀ ଓଡ଼ିଶା ସରକାର କିମ୍ବା ଜିଲ୍ଲା ପ୍ରଶାସନକୁ କିଛି ନଜଣାଇ ଅବାଧରେ ଏହି ଅଞ୍ଚଳରେ ପଶିଥିଲେ। ଗାଁ ଗାଁ ବୁଲି ଲୋକଙ୍କୁ ଆନ୍ଧ୍ର ସରକାରଙ୍କ ଜନକଲ୍ୟାଣ ମୂଳକ କାର୍ଯ୍ୟକ୍ରମ ସଂପର୍କରେ କହିଥିଲେ। କ’ଣ ସବୁ ସୁବିଧା ଆଗକୁ ମିଳିବ ସେନେଇ ବି ପ୍ରକାଶ କରିଥିଲେ। ଲୋଭନୀୟ ପ୍ରତିଶ୍ରୁତି ଯୋଗୁଁ କୋଟିଆବାସୀ ଆନ୍ଧ୍ର ଅଧିକାରୀଙ୍କ କଥାରେ ଭଳି ଯାଇଥିଲେ। ଏହାପରେ ଦୁଇ ଅଧିକାରୀ ଘର ଘର ବୁଲି ତଥ୍ୟ ସଂଗ୍ରହ କରିଥିଲେ। ପରଦିନ ପୁଣି କିଛି କର୍ମଚାରୀ ଗାଁ ଗାଁ ବୁଲିଥିବା ସୂଚନା ମିଳିଛି।
Prasanta Patnaik