158 Views
ମାଲକାନଗିରି ଉପାନ୍ତ ଜିଲ୍ଲା ଆଦିବାସୀ ଅଧ୍ୟୁଶିତ ମାଲକାନଗିରିରେ 59ତମ ଜିଲ୍ଲାସ୍ତରୀୟ ପୋଲିସ ଶହୀଦ ଦିବସ ପାଳିତ ହୋଇଯାଇଛି। ଏହି କାର୍ଯ୍ୟକ୍ରମରେ ମାଲକାନଗିରି ଏସପି ଜଗମୋହନ ମିନା ମୁଖ୍ୟ ଅତିଥି ଭାବେ ଯୋଗ ଦେଇଛନ୍ତି। ଏହାସହ ସେ ପତାକା ଉତ୍ତୋଳନ ଓ ଶହୀଦ ମାନଙ୍କ ଉଦ୍ଦେଶ୍ୟରେ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି।
ସୂଚନାଅନୁସାରେ ଆରକ୍ଷୀ କାର୍ଯ୍ୟଳୟ ପୋଲିସ ପଡ଼ିଆରେ ଆୟୋଜିତ ହୋଇଥିଲା ପୋଲିସ ଶହୀଦ ଦିବସ। ମାଟି ମା ପାଇଁ ନିଜ ଜୀବନକୁ ବଳିଦାନ ଦେଇଥିବା ମାଲକାନଗିରି ପୋଲିସର ଅଧିକାରୀମାନଙ୍କୁ ପୋଲିସ ଓ ପ୍ରଶାସନ ପକ୍ଷରୁ ଗଭୀର ଶ୍ରଦ୍ଧାଞ୍ଜଳି ଅର୍ପଣ କରାଯିଇଛି। ଏହାସହ ନିଜ କର୍ତ୍ତବ୍ୟ ସମ୍ପାଦନ କରିବା ସମୟରେ ଶହୀଦ ହୋଇଥିବା ପୋଲିସ ମାନଙ୍କ ସ୍ମୃତି ଚାରଣ କରାଯାଇଛି । ଅନ୍ୟତମ ଅତିଥି ଭାବେ ମାଲକାନଗିରି ଏସଡିପିଓ ବିବେକ ଶ୍ରବଣ ଏମ ଯୋଗ ଦେଇଥିବା ବେଳେ ପୋଲିସ ଆରଆଇ ଶ୍ୟାମ ସୁନ୍ଦର ସରେନ ସମ୍ବଧିତ ପ୍ୟାରେଡର ପରିଚାଳନା କରିଥିଲେ ।
ଏହି କାର୍ଯ୍ୟକ୍ରମରେ ବରିଷ୍ଠ ପୋଲିସ ଅଧିକାରୀଙ୍କ ସମେତ ଅବସରପ୍ରାପ୍ତ ପୋଲିସ କର୍ମଚାରୀ ଓ ଜିଲ୍ଲାର ସମାଜସେବୀ, ବୁଦ୍ଧିଜୀବୀ ପ୍ରମୁଖଙ୍କ ସହ ଅନ୍ୟ ଅଧିକାରୀମାନେ ଉପସ୍ଥିତ ରହିଥିଲେ। ଏହାସହ ଜିଲ୍ଲା ପୋଲିସ ପକ୍ଷରୁ ପ୍ୟାରେଡ ଅନୁଷ୍ଠିତ ହୋଇଥିଲା ।
Prasanta Patnaik