ନୂଆଦିଲ୍ଲୀ, ଜାନୁଆରୀ 18 : ନୂଆଦିଲ୍ଲୀରେ ସାଧାରଣତନ୍ତ୍ର ଦିବସ ଅବସରରେ କୃଷକଙ୍କ ବିଶାଳ ଟ୍ରାକ୍ଟର ରାଲିକୁ ନେଇ ଶୁଣାଣୀ ଆସନ୍ତା 20 ତାରିଖରେ ହେବ । ତେବେ କୃଷକଙ୍କ ଟ୍ରାକ୍ଟର ରାଲି ବାହାରିବ ନା ନାହିଁ ସେନେଇ ପୋଲିସ ନିଷ୍ପତ୍ତି ନେବ ବୋଲି ସଂକେତ ଦେଇଛନ୍ତି ସୁପ୍ରିମକୋର୍ଟ । ଗଣତନ୍ତ୍ର ଦିବସରେ ଏହି ରାଲି ହେବାକୁ ଯାଉଛି ତେଣୁ ପୋଲିସ କୋର୍ଟରେ ଏକ ଯାଚିକା ଦାୟର କରିଛି । ବୁଧବାର ପୁଣି କୋର୍ଟରେ ଏହା ଉପରେ ଶୁଣାଣି ହେବ ।
ସାଧାରଣତନ୍ତ୍ର ଦିବସ ଅବସରରେ ରାମଲୀଲା ମଇଦାନରେ କୃଷକଙ୍କ ଟ୍ରାକ୍ଟର ରାଲି ହେଲେ ସମସ୍ୟା ହେବ । ଦିଲ୍ଲୀକୁ କିଏ ପ୍ରବେଶ କରିପାରିବ ଆଉ କିଏ ନୁହେଁ, ସେନେଇ ଦିଲ୍ଲୀ ପୋଲିସ ନିଷ୍ପତ୍ତି ନେଇପାରିବେ । ତେଣୁ କୃଷକ ରାଲି କରିପାରିବେ କି ନାହିଁ, ସେନେଇ ପୋଲିସ ନିଷ୍ପତ୍ତି ନେବ । କୃଷି ଆଇନକୁ ବିରୋଧ କରି ଅନ୍ନଦାତାମାନେ ପ୍ରାୟ ଦୁଇ ମାସ ହେବ ଦିଲ୍ଲୀ ସୀମାରେ ଧାରଣା ଦେଇଛନ୍ତି । ଏବେସୁଦ୍ଧା ସରକାର ଓ କୃଷକଙ୍କ ମଧ୍ୟରେ 9 ଥର ବୈଠକ ବସିଥିଲେ ମଧ୍ୟ କୌଣସି ନିଷ୍ପର୍ସ ବାହାରିପାରି ନାହିଁ । ଉଭୟ ପକ୍ଷ ମଧ୍ୟରେ କିଛି ପ୍ରସଙ୍ଗକୁ ନେଇ ସହମତି ପ୍ରକାଶ ପାଇଥିଲେ ମଧ୍ୟ କୃଷକ ସଙ୍ଗଠନ ତିନୋଟି ଆଇନକୁ ହଯାଇବାକୁ ନେବା ପାଇଁ ଦାବୀ କରୁଛନ୍ତି । କେନ୍ଦ୍ର କୃଷି ଆଇନ ବିରୋଧରେ ଜାନୁଆରୀ 26 ତାରିଖରେ ସାଧାରଣତନ୍ତ୍ର ଦିବସ ଅବସରରେ ଚାଷୀମାନେ ଦିଲ୍ଲୀର ରାମଲୀଲା ମଇଦାନରେ ବିଶାଳ ଟ୍ରାକ୍ଟର ରାଲି କରିବେ ବୋଲି ଚେତାବନୀ ଦେଇଥିଲେ ।
Prasanta Patnaik