219 Views
ଗାନ୍ଧିନଗର: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏକ ସମାରୋହରେ ଯୋଗ ଦେବା ଲାଗି ଗୁଜୁରାଟ ଗସ୍ତରେ ଯାଇଛନ୍ତି । ତେବେ ଏହି ଗସ୍ତ ସମୟରେ ଏକ ଜନସଭାରେ ବିଜେପିର ବରିଷ୍ଠ ନେତା ତଥା ପୂର୍ବତନ ଗୁଜୁରାଟ ମୁଖ୍ୟମନ୍ତ୍ରୀ କେଶୁଭାଇ ପଟେଲଙ୍କ ପାଦ ଛୁଇଁ ପ୍ରଣାମ କରିଛନ୍ତି ନରେନ୍ଦ୍ର ମୋଦି । ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ଅନୁସାରେ, ମୋଦି ମଞ୍ଚ ଉପରେ ପହଞ୍ଚିବା କ୍ଷଣି ସେଠାରେ ପୂର୍ବରୁ ଉପସ୍ଥିତ ଥିବା କେଶୁଭାଇ ପଟେଲଙ୍କୁ ପାଦ ଛୁଇଁ ନମସ୍କାର କରିଥିଲେ । ତେବେ ମୋଦି ତାଙ୍କୁ ପ୍ରଣାମ କରିବା ପରେ ସେ ମୋଦିଙ୍କୁ ଆଲିଙ୍ଗନ କରିଥିଲେ । ଏହାପରେ ପ୍ରଧାନମନ୍ତ୍ରୀ ତାଙ୍କ ସହ କିଛି ସମୟ ପର୍ଯ୍ୟନ୍ତ ବାର୍ତାଳାପ ମଧ୍ୟ କରିଥିଲେ ।
ANI✔@ANI
#WATCH Prime Narendra Modi touches feet of former Gujarat Chief Minister Keshubhai Patel, at an event in Adalaj, Gujarat.
ଉପସ୍ଥିତ ଲୋକମାନେ ପ୍ରଧାନମନ୍ତ୍ରୀ ମୋଦିଙ୍କର ଏହି ସୌଜନ୍ୟକୁ ପ୍ରଶଂସା କରିଥିଲେ । ତେବେ ସୋସିଆଲ ମିଡିଆରେ ଏହି ସମୟର ଭିଡିଓ ଭାଇରାଲ ହେବାରେ ଲାଗିଛି । ଭିଡିଓକୁ ନେଇ ସାଧାରଣ ଜନତା ଅନେକ କମେଣ୍ଟ କରିଥିବା ସୂଚନା ମିଳିଛି । ତେବେ ଜଣେ ବ୍ୟକ୍ତି କମେଣ୍ଟର ଲେଖିଛନ୍ତି ଯେ, ଜଣଙ୍କ ହୃଦୟକୁ କେତେଥର ଜିତିବେ ମୋଦି? ମୋଦି ଗୁଜୁରାଟ ଗସ୍ତରେ ଅଛନ୍ତି । ଏହି ଗସ୍ତ ସମୟରେ ସେ ମେଟ୍ରୋ ଟ୍ରେନର ଚଳାଚଳ ମଧ୍ୟ ଉଦଘାଟନ କରିଥିଲେ । ମୋଦି ଏକ ଜନସଭାରେ ବିରୋଧୀମାନେ ଏୟାରଷ୍ଟ୍ରାଇକ ଉପରେ ପଚାରୁଥିବା ପ୍ରଶ୍ନର ଉତ୍ତର ମଧ୍ୟ ରଖିଛନ୍ତି ମୋଦି । ତେବେ ମୋଦି କେଶୁଭାଇଙ୍କ ପାଦ ଛୁଇଁବା ପୂର୍ବରୁ ଅଦାଲାଜର ଅନାପୂର୍ଣ୍ଣମ ଧାମରେ ପୂଜାର୍ଚ୍ଚନା କରିଥିଲେ ।
Prasanta Patnaik