ଭୁବନେଶ୍ୱର ବିମାନବନ୍ଦରରୁ ୧୨ ଲକ୍ଷ ଟଙ୍କାର ଚୋରା ବିଦେଶୀ ସିଗାରେଟ ଜବତ , ଦୁଇ ବ୍ୟବସାୟୀ ଅଟକ

ଭୁବନେଶ୍ୱର : ଆଜି ପୁଣି ଭୁବନେଶ୍ୱରର ବିଜୁ ପଟ୍ଟନାୟକ ଆନ୍ତର୍ଜାତିକ  ବିମାନବନ୍ଦରରୁ ୪୦୦ପ୍ୟାକେଟ ଚୋରା ବିଦେଶୀ ସିଗାରେଟ ଜବତ କରାଯାଇଛି । ପ୍ରାପ୍ତ ସୂଚନା ଅନୁସାରେ, ଭୁବନେଶ୍ୱର ବିଜୁ ପଟ୍ଟନାୟକ ଆନ୍ତର୍ଜାତିକ  ବିମାନବନ୍ଦରରୁ ଦୁଇ ଜଣ ବ୍ୟବସାୟୀଙ୍କଠାରୁ ଆଜି ରାଜସ୍ୱ ଗୁଇନ୍ଦା ବିଭାଗ ଦ୍ୱାରା ୪୦୦ ପ୍ୟାକେଟ ବିଦେଶୀ ସିଗାରେଟ ଜବତ କରାଯାଇଥିବା ଜଣାଯାଇଛି । ଏହି ସିଗାରେଟ କୁଆଲାଲୁମପୁରରୁ ଏୟାର ଏସିଆ ବିମାନ ଯୋଗେ ଚାଲାଣ ହେଉଥିଲା ବୋଲି ଜଣାଯାଇଛି।

ଗତ କିଛି ଦିନ ତଳେ  ଭୁବନେଶ୍ୱର ବିଜୁ ପଟ୍ଟନାୟକ ଆନ୍ତର୍ଜାତିକ  ବିମାନବନ୍ଦରରୁ ବି ସୁନା ବିସ୍କୁଟ  ଜବତ ହୋଇଥିଲା।ଏହାପରେ ଏବେ ଚର୍ଚ୍ଚା ଜୋର ଧରିଛି କି ଭୁବନେଶ୍ୱର ବିଜୁ ପଟ୍ଟନାୟକ ଆନ୍ତର୍ଜାତିକ  ବିମାନବନ୍ଦରରୁ ଚୋରାଚାଲାଣକାରୀଙ୍କ ପେଣ୍ଠସ୍ଥଳ ପାଲଟିଛି।