ଭୁବନେଶ୍ୱର ଏସିପିଙ୍କ ପୁଅର ଝୁଲନ୍ତା ମୃତ ଦେହ ଉଦ୍ଧାର, ଆତ୍ମହତ୍ୟା କରିଥିବା ସନ୍ଦେହ

ମୋବାଇଲରେ କେତେକ ଗେମ ପ୍ରାଣଘାତକ ହୋଇଥିବାବେଳେ ଆୟୁଷ୍ମାନର ଗେମ ଖେଳିବା ସଉକ ରହିଥିବାରୁ ତାକୁ ବାରମ୍ବାର ପରିବାର ପକ୍ଷରୁ ବାରଣ କରାଯାଉଥିଲା । ବାରଣ କରାଯାଉଥିବାରୁ ପୁଅ ଓ ବାପାମାଙ୍କ ମଧ୍ୟରେ ମତାନ୍ତର ସୃଷ୍ଟି ହେଉଥିଲା । କିନ୍ତୁ ଗତକାଲି ବିଳମ୍ବିତ ରାତିରେ ସଞ୍ଜୀବ ଡ୍ୟୁଟିରେ ଥିଲେ । ମାତ୍ର ଆଜି ସକାଳୁ ପୁଅକୁ ଏକ ରୁମ ଭିତରୁ ଝୁଲନ୍ତା ଅବସ୍ଥାରେ ପାଇଥିଲେ । କିନ୍ତୁ ମୃତ୍ୟୁର କାରଣ ଜଣାପଡ଼ି ନ ଥିବାବେଳେ ପୋଲିସ ମୃତ ଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇ ଦେଇଛି । ମୋବାଇଲର ଯାଂଚ ହେବା ସହ ଶବ ବ୍ୟବଚ୍ଛେଦ ଓ  ପୋଲିସର ତଦନ୍ତ ପରେ ମୃତ୍ୟୁର କାରଣ ସ୍ପଷ୍ଟ ହେବ ନେଇ ସୂଚନା ମିଳିଛି । ପୁଅର ଆକସ୍ମିକ ମୃତ୍ୟୁ ପରେ ପରିବାର ଲୋକ ସଂପୁର୍ଣ୍ଣ ଭାଙ୍ଗିପଡ଼ିଛନ୍ତି ।