ରାଉରକେଲା, ଜାନୁଆରୀ ୧୩ : ବିଲଡର୍ ଅନମୋଲ ସିଂଙ୍କୁ ହାଇକୋର୍ଟ ମଧ୍ୟବର୍ତ୍ତୀକାଳୀନ ଜାମିନ ମିଳିଛି । ଏହା ଆସନ୍ତା ମାସ ୪ ତାରିଖ ପର୍ଯ୍ୟନ୍ତ ବୈଧ ରହିଛି । ତେବେ ତାର ଅନ୍ୟ ସହଯୋଗୀମାନେ ଜେଲ୍ରେ ଅଛନ୍ତି । ସୂଚନାଯୋଗ୍ୟ, ରାଉରକେଲାର ଏକ ଜଣାଶୁଣା ବିଲ୍ଡର୍ ଭାବେ ପରିଚିତ ଅନମୋଲ ସିଂ ବ୍ୟବସାୟିକ ଶତ୍ରୁତାରେ ଅନ୍ୟ ବ୍ୟବସାୟୀଙ୍କୁ ଫସାଇବା ଉଦ୍ଦେଶ୍ୟରେ ସୁପାରି ଦେଇଥିଲେ ।
ଉକ୍ତ ଯୋଜନା ଫେଲ୍ ହେବାରୁ ସୁପରିକଳ୍ପିତ ଭାବେ ନିଜ ଉପରକୁ ଆକ୍ରମଣ ହୋଇଥିବା ନାଟକ ରଚିଥିଲେ । ଏ ସମ୍ପର୍କରେ ପୁଲିସ୍ ତଦନ୍ତ ବେଳେ ଜାଣିପାରିଥିଲା । ଏହି ଘଟଣାରେ ସାମିଲ ଥିବା ମୁଖ୍ୟ ଅଭିଯୁକ୍ତ ଅନମୋଲ ସିଂ, ଅଙ୍ଗରକ୍ଷୀ ସଜନ ତିୱାରୀ, ଦିଲସାଦ ଖାନ, ମୁସ୍ତାକ ଆଲମ ଓ ଶିବୁ ବିଶୋଇଙ୍କୁ ପୁଲିସ ଗିରଫ କରି କୋର୍ଟ ଚାଲାଣ କରିଥିଲା । ଏହାପୂର୍ବରୁ ଅନମୋଲ ୨ ବର୍ଷ ତଳେ ଘର ସମ୍ମୁଖରେ ବମ୍ ବ୍ଲାଷ୍ଟ କରିବା ଓ ନିଜ ଉପରେ ଆକ୍ରମଣ କରିବା ନାଟକ ନଜିର୍ ରହିଛି । ମାର୍କେଟରୁ କୋଟି କୋଟି ଟଙ୍କା ଋଣ ନେଇଥିବା ବେଳେ ତାହା ନଶୁଝିବା ପାଇଁ ବିଭିନ୍ନ ସମୟରେ ଏଭଳି ନାଟକ କରୁଥିବା ପୁଲିସ୍ ପକ୍ଷରୁ ସୂଚନା ଦିଆଯାଇଛି ।
Prasanta Patnaik