234 Views
ଭୁବନେଶ୍ୱର: ପରଲୋକରେ ବରିଷ୍ଠ ସାମ୍ବାଦିକ ତଥା ଜଣାଶୁଣା ସାହିତ୍ୟିକ ରାମହରି ମିଶ୍ର | ଭୁବନେଶ୍ୱରସ୍ଥିତ ବାସଭବନରେ ଆଜି ୮୫ ବର୍ଷ ବୟସରେ ସେ ଶେଷନିଶ୍ୱାସ ତ୍ୟାଗ କରିଛନ୍ତି | ଓଡିଶା ତଥା ଦେଶ ବିଦେଶର ବହୁ ଜଣାଶୁଣା ଖବରକାଗଜ ପାଇଁ ସାମ୍ବାଦିକତା କରିଥିଲେ | କଳିଙ୍ଗ,ଆନନ୍ଦବଜାର ପତ୍ରିକା, ପାଟ୍ରିୟଟ,ଲିଙ୍କ.,ଉତ୍କଳିକା ସହ ଅନ୍ୟ କିଛି ଖବରକାଗଜ ପାଇଁ ସାମ୍ବାଦିକତା କରିଥିଲେ |
ଜଣେ ସୃଜନଶୀଳ ଲେଖକ ଓ କବି ଭାବରେ ତାଙ୍କର ଖ୍ୟାତି ଥିଲା | ଓଡିଶା କର୍ମଜୀବୀ ସାମ୍ବାଦିକ ସଂଘର ବହୁ ବର୍ଷ ଧରି ସଭାପତି ଥିଲେ | ବିଭିନ୍ନ ଜାତୀୟ ସାମ୍ବାଦିକ ୟୁନିୟନର ବି ସେ ସକ୍ରିୟ ସଦସ୍ୟ ଥିଲେ | ନେସନାଲ ହେରାଲଡ଼ର ଓଡିଶା ପ୍ରତିନିଧି ଥିଲେ | ଏଠାରେ ସୂଚନା ଥାଉ କି ରାମହରିଙ୍କ ପତ୍ନୀ କୁମୁଦିନୀ ମିଶ୍ର ମଧ୍ୟ ସମାଜସେବୀ ଭାବେ ବେଶ ଜଣାଶୁଣା | ତାଙ୍କର ଦୁଇ ପୁଅ ଅବିନାଶ ଓ ଅଭିମନ୍ୟୁ ଚଳଚ୍ଚିତ୍ର ନିର୍ମାତା ଭାବେ ମୁମ୍ବାଇରେ ସକ୍ରିୟ ଅଛନ୍ତି |
Prasanta Patnaik