ଆଜି ଗତିରାଉତପାଟଣାରେ ପିଠା କାର୍ଯ୍ୟକ୍ରମର ଆୟୋଜନ ହୋଇଥିଲା । ଏଥିରେ ସରପଞ୍ଚ ଲକ୍ଷ୍ମୀପ୍ରୀୟ ସ୍ୱାଇଁ ଏଲ୍ଇଡି ବଲ୍ବ ବଣ୍ଟନ ପାଇଁ ଘୋଷଣା କରିଥିଲେ । ଏହି ସମୟରେ ମନ୍ତ୍ରୀ ଚନ୍ଦ୍ର ସାରଥି ବେହେରାଙ୍କ ଅତି ନିକଟତର ଅମର ସାହୁ ଓ ତାଙ୍କ ପୁଅ ଏବଂ କିଛି ଲୋକ ଆଜି ସରପଞ୍ଚଙ୍କ ସ୍ୱାମୀ ଓ ପୁଅଙ୍କୁ ମାଡ଼ ମାରିଥିଲେ । ବନ୍ଧୁକ ପଛ ପାର୍ଶ୍ୱରେ ମାଡ଼ ମାରିବାରୁ ତାଙ୍କ ପୁଅର ମୁଣ୍ଡରେ ଆଘାତ ଲାଗିଛି । ଏ ନେଇ ଲକ୍ଷ୍ମୀପ୍ରୀୟା ସ୍ୱାଇଁ ଚାଉଳିଆଗଞ୍ଜ ଥାନାରେ ଅଭିଯୋଗ କରିଛନ୍ତି । ସେ ସିଧାସଳଖ ମନ୍ତ୍ରୀଙ୍କ ମୁଣ୍ଡରେ ଦୋଷ ଲଦିଛନ୍ତି । ଏଥିରେ ମନ୍ତ୍ରୀଙ୍କର ସଂପୃକ୍ତି ରହିଛି ବୋଲି ସେ କହିଛନ୍ତି ।
କିନ୍ତୁ ମନ୍ତ୍ରୀ ଏହି ଅଭିଯୋଗକୁ ଭିତ୍ତିହୀନ କହିବା ସହ ସଂପୂର୍ଣ୍ଣଭାବେ ଖଣ୍ଡନ କରିଛନ୍ତି । ମନ୍ତ୍ରୀ କହିଛନ୍ତି ସେ ଏ ସଂପର୍କରେ କିଛି ଜାଣି ନାହାଁନ୍ତି । ସେ ସଭାରେ ଯୋଗ ଦେଇଥିବାବେଳେ ଶାନ୍ତି ଶୃଙ୍ଖଳା ଥିଲା । ସେମିତି କିଛି ବି ଅଘଟଣ ଘଟି ନ ଥିଲା । ଯଦି ଏପରି ଅଭିଯୋଗ ଆସିଛି ପୋଲିସ ତା’ର ତଦନ୍ତ କରିବ ବୋଲି କହିଛନ୍ତି ।
Prasanta Patnaik