ଧଳପୁର ଶିଶୁ ମନ୍ଦିରରେ ଆନ୍ତର୍ଜାତିକ ଯୋଗ ଦିବସ

ଓଡାପଡା : ଢେଙ୍କାନାଳ ଜିଲ୍ଲା ଓଡାପଡା ବ୍ଲକ ସଂକୁଳ ସ୍ଥିତ ଧଳପୁର ସରସ୍ୱତୀ ଶିଶୁ ବିଦ୍ୟାମନ୍ଦିରରେ ଆନ୍ତର୍ଜାତିକ ଯୋଗ ଦିବସ ଏକ ବର୍ଣ୍ଣାଢ୍ୟ ପରିବେଷରେ ଅନୁଷ୍ଠିତ ହୋଇଯାଇଛି  । ଏଥିରେ ମୁଖ୍ୟ ଅତିଥି ରୂପେ ଯୋଗଦାନ କରି ସ୍ୱାମୀ ବିବେକାନନ୍ଦ ଉଚ୍ଚ ବିଦ୍ୟାପୀଠ, ବିଡୋର ସହକାରୀ ଶିକ୍ଷକ ମୃତ୍ୟୁଞ୍ଜୟ ନନ୍ଦ ପ୍ରଦୀପ ପ୍ରଜ୍ଜ୍ୱଳନ କରି ସମସ୍ତଙ୍କର ଶୁଭ ମନାସିବା ସହିତ ଯୋଗ ଦିବସର ତାତ୍ପର୍ଯ୍ୟ ଓ ମହନୀୟତା ସମ୍ବନ୍ଧରେ ଆଲୋକପାତ କରିଥିଲେ  ।

ବିଦ୍ୟାମନ୍ଦିରର ସଭାପତି ଯୋଗ ଏକ କଳା ଏବଂ ଶିକ୍ଷା, ସଂଯୋଗ, ସଂହତି ଓ ଭାଇଚାରାର ପର୍ବ ବୋଲି ଜଣାଇବା ସହ ଭାଗବତ ଗୀତାର ପଂକ୍ତିକୁ ଆଲୋଚନା କରିଥିଲେ  । ପ୍ରଧାନାଚାର୍ଯ୍ୟା ନୟନୀ ବେହେରା ଯୋଗର ଉପାଦେୟତା ଉପରେ ଆଲୋକପାତ କରିଥିଲେ  । ଯୋଗାଚାର୍ଯ୍ୟ ସ୍ନିଗ୍ଧାମୟୀ ସାମଲ, ମମାଲି ମହାନ୍ତି ଓ ନର୍ମଦା ସାହୁ ଯୋଗାଭ୍ୟାସ ପିଲାମାନଙ୍କୁ କରାଇଥିଲେ  ।

ଆଚାର୍ଯ୍ୟ ବିଥିକା ଦାଶ ସଂଯୋଜନା କରାଇଥିଲେ  । ଏଥିରେ ବିଦ୍ୟାମନ୍ଦିର ସମସ୍ତ ଗୁରୁଜୀ, ଗୁରୁମା ସହଯୋଗ କରିଥିଲେ  । ପରିଚାଳନା କମିଟିର ସମସ୍ତ ସଦସ୍ୟ ସଦସ୍ୟାଙ୍କ ତତ୍ତ୍ୱାବଧାନରେ କାର୍ଯ୍ୟକ୍ରମ ପରିଚାଳନା ହୋଇଥିଲା  ।