ଦୁର୍ଘଟଣାରେ ରାଜମିସ୍ତ୍ରି ଗୁରୁତର

ରାଉରକେଲା, ୧୬ା୧୦ : ବାଲୁଘାଟ ଅଞ୍ଚଳ ଏନ୍ଏଚ୍-୧୪୩ ଉପରେ ଏକ ସଡ଼କ ଦୁର୍ଘଟଣା ହୋଇଛି । ଏଥିରେ ଜଲଦା ସି ବ୍ଲକରେ ରହୁଥିବା ରାଜମିସ୍ତ୍ରି ଗୋକୁଳ ସୁନା (୩୮) ନାମକ ବ୍ୟକ୍ତି ଗୁରୁତର ଭାବେ ଆହତ ହୋଇଛନ୍ତି । ଗୋକୁଳ ବେଦବ୍ୟାସ ମନ୍ଦିର ରୋଡ଼ରେ ଥିବା ଏକ ଆଲମିରା ଫେକଟ୍ରିରେ ମିସ୍ତ୍ରି ଭାବେ କାମ କରନ୍ତି । ଅପରାହ୍ନରେ ସେ ଘରକୁ ଫେରୁଥିବା ବେଳେ ପଛପଟୁ ଏକ ବାଲି ଟ୍ରକ ଧକ୍କା ଦେଇଥିଲା । ଫଳରେ ଗୋକୁଳ ରାସ୍ତା ଉପରେ ଛିଟିକି ପଡ଼ିଥିଲେ । ତାଙ୍କ ମୁଣ୍ଡ ଓ ଗୋଡ଼ରେ ଶକ୍ତ ଆଘାତ ଲାଗିଥିଲା । ତାଙ୍କୁ ପୁଲିସ୍ ପ୍ରଥମେ ଆରଜିଏଚ୍ରେ ଭର୍ତ୍ତି କରିଥିବା ବେଳେ ପରେ ବୁର୍ଲା ସ୍ଥାନାନ୍ତର କରାଯାଇଥିଲା ।